HMOTAOPAZY 6:6 - Mara Bible RV (BSI)

⁶ Cha chyhsazy cha lyuhchâpazy hmiakô liata paduasa ei ta, ama chô liata ku pahniehpa ta, thlahchhâpa ei ta.

HMOTAOPAZY 6:6 ပူးပေါင်းရင်းမြစ်များ

MALUHREINA 27:18

Abeipa ta Mawsi hnohta, “Nunâ sawchapawpa Zawsua, thlahpa ta a ylâhpa chyhsa kha a chhi la, a chô liata na ku pahnieh mah y.

MALUHREINA 8:10

Livai pathlazy cha Abeipa hmiakô lâ a chhi aw chi ta, Izarei sawzy ta Livai pathlazy chô liata ama ku ama pahnieh aw.

MÂKA 5:23

“Ei sawchanô hawtipa thi daihmâpa ta y ta. Tlâh sala, a hro thei nawpa ta, a vy la, a chô liata na ku vaw pahnieh mah y,” tahpa ta a haw chaimâh ta.

HMOTAOPAZY 1:24

Thlahchhâ ei ta, “Hy Abeipa, nâ cha chyhsa zydua palôh pahnotuhpa na châ. He panozy liana heta, ahy he ma nâ tlyhpa a châ tahpa miah pahnosa mah y.

HMOTAOPAZY 13:3

Kâhvileipa ta thlah ama chhâ khai nahta, Bânabâ nata Sawla chô liata ama ku pahnieh ei ta, pasiesa ha ei ta.

HMOTAOPAZY 19:6

Pawla ta ama chô liata a ku a pahnieh nahta, Thlahpa Pathaihpa ama chô liata vaw tlô ta, reih hropazy ta bie reih ei ta, hrohsona biezy phuah ei ta.

HMOTAOPAZY 8:17

Lyuhchâpazy ta ama chô liata ama ku pahnieh ei ta, Thlahpa Pathaihpa hnei ha ei ta.

HMOTAOPAZY 9:12

chyhsa pakha a moh Anania ama tahpa a o lâ a vaw ngiapa ta, a mo pavâ nawpa ta a chô liata ku a pahniehpa kyh aluahna ta a hmô,” tah ta.

HMOTAOPAZY 9:17

Anania cha pua ta, Sawla yna o liata a kei ngia ta. A chô liata a ku pahnieh ta, “Unawh Sawla, na mo pavâ nawpa nata Thlahpa Pathaihpa biepa ta na y thei nawpa ta, na vaw siena lâpi liata na hnohta a vaw luahpa Abeipa Zisu khata eina vaw tuah,” tah ta.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

1 TIMAWTHY 4:14

Hmopiepa na hneipa kha uasa leipa ta y khah y. Kha hmopiepa kha, hrohsona bie hawhta, machâzy ta na chô liata ama ku ama pahnieh nota piepa na châ.

1 TIMAWTHY 5:22

Chyhsa chô liata ku pahnieh awpa ta a para leipa la, mohropazy moleina liata a hlao leipa la, pathaihpa ta y mah y.

2 TIMAWTHY 1:6

Cha vâna chata na chô liata ei ku pahniehpa ta Khazohpa hmopiepa nâ liata a ypa kha, pa-ia awpa ta ei cha pahnosa heih.

HEBRAI 6:2

bâtina, ku pahniehna, athihpa thyuheihna nata chhâzaw pachiana thâtih pachu pathaonazy liata y khao khah ei suh u.