HMOTAOPAZY 5:39 - Mara Bible RV (BSI)

³⁹ Khazohpa tawhta a châ khiahta deikua cha, âmo he pahleipadia thei aw veih ei chi. Khazohpa a dyuhpa tlao nama châ aw!” tah ta.

HMOTAOPAZY 5:39 ပူးပေါင်းရင်းမြစ်များ

ÂTHAONA 24:50

Lâbâ nata Bethua ta a chhy ei ta, “He hmo he Abeipa tawhta châ ta, a chhie a pha a reih thei awpa châ ma pi.

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

1 ABEIZY 12:24

‘Abeipa ta hetana heta a tah: Nama khy awpa châ leipa ta, nama unawhpa Izarei sawzy namâ kaw dyuh awpa châ vei. Nama o chyu lâta a di ha teh u. He bie he keima tawhta a puapa a châ,’ tahpa ta reih teh,” tah ta. Abeipa bie cha thei ei ta, Abeipa bie hawhta, o lâ a di ha ei ta.

2 ABEIZY 19:22

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 43:13

“Tlyzaw tawhta Khazohpa vaw châ ha na ta, Ei ku tawhta a pachha thei awpa ahy hmah y veih ei. Hmo ei tao hapa cha, Ahy ma a panano thei aw?” Abeipa ta a tah.

ISAI 45:9

“Ano a Taotuhpa a chakhiapa cha a hu a po na! Alei beihzy hry liata alei beih pachaipa a châ. Beihlei ta beihvituhpa hnohta, ‘Khâpa ma na tao? Na hmotaopa cha, A patuna ku hnei vei dua?’ a tah thei ma?

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

HMOTAOPAZY 11:17

Cha hawhta, keimo Abeipa Zisu Krista eimâ ngiapâ nota Khazohpa ta miah a piepa hmopiepa cha, Khazohpa ta âmo a pie ha hra khiah ei ta cha, Khazohpa lâpi liata chybâlâkhâ châ awpa ta, kei he ahy ma ei châ?” tah ta.

HMOTAOPAZY 23:9

Ryureina cha thata a vaw tyhreih ta, Phârisaihzy lâta ryhpa pachutuhpa thokha a duah ei ta, ama leihna bie cha chakhia ei ta, “He chyhsa he khâpa hmah a moleina hmô ma pi. Thlahpa ta tlyma, vâlyuhchâpa tlyma ta bie a chhopa a châ khiah cha, khâpa eima reih thei aw?” tah ei ta.

HMOTAOPAZY 6:10

Châhrasala sona nata Thlahpa ta bie a reipazy cha ei thei leipa ei ta.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

HMOTAOPAZY 9:5

Sawla ta, “Abeipa, ahy ma na châ?” tah ta. Ano ta, “Zisu, na taolapa kha ei châ.

1 KAWRINI 1:25

Khazohpa hruna cha chyhsapa sona hlâta so via ta, Khazohpa chiehleina cha chyhsapa thatlôna hlâta a thatlô via.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?