HMOTAOPAZY 5:35 - Mara Bible RV (BSI)

³⁵ Ryureituhpazy hnohta, “Nâmo, Izarei mo saih u, he chyhsazy chô liata hmotao namâ chhuahpa liata a chado teh u.

HMOTAOPAZY 5:35 ပူးပေါင်းရင်းမြစ်များ

ZEREMIAH 26:19

“Zudâh bei Hezekia nata Zudâh mo zydua ta Mikâ kha ama thie ma? Hezekia ta Abeipa cha chipa ta, Abeipa khokheina a haw ta, chatanachata Abeipa ta ama chô liata chhiena patlôsa awpa a phuahpa kha a pathleih hapa châ vei ma? Keimo deikua cha eima chô liata chhiena rarôh ypa eima patlôsa aw hih,” tah ei ta.

MATHAI 27:19

Cha dei châ vei. Pilâ cha ryureina dyuchhai liata â tyuh thlâh ha nota, a lapinô ta, “Kha chyhsa siapa chô liana khata kheihta hmah tah khah y. Tanoh ano vâta ei mâ liata pasa thata ei tao,” tahpa ta bieta ta.

HMOTAOPAZY 19:36

He hmozy he ei thei awpa rih a châ lei thlaopa cha, a chalih teh u, pachâ pasia ha tua leipa ta khâpa hmah nama tao awpa châ vei.

HMOTAOPAZY 22:26

Cha bie cha pheisaih za kha hyutuhpa ta a thei nahta, pheisaih hyutuhpa lâ vawh ta, a hnohta, “Na tao awpa he pachâ pasia mah y. He chyhsa he Rawma chyhsa a châ,” tah ta.

HMOTAOPAZY 5:34

Châhrasala ryureituhpazy hry liata Phârisaih pakha, a moh Kâmalia ama tahpa, ryhpa pachutuhpa, chyhsa zydua ta ama zapa ta a kaw duah ta, lyuhchâpazy cha papua chy awpa ta biepie ta.

HMOTAOPAZY 5:36

Cha hlâna chhao khata Theudâ vaw pua ta, chyhsa peimawhpa a châpa ta a reih ta, chyhsa hluhpi, za palih rachhôh ta ano cha zi ei ta. Ano ama thie nahta, a zituhpa zydua cha pai khai ei ta, khâpa hmah châ khao veih ei.