HMOTAOPAZY 5:19 - Mara Bible RV (BSI)

¹⁹ Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta,

HMOTAOPAZY 5:19 ပူးပေါင်းရင်းမြစ်များ

HLAZY 146:7

Tlybaipazy châta adona a duakheituhpa châ ta, Nodipazy nie awpa a pietuhpa a châ. Abeipa cha atâhpazy papua ta,

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 1:24

Zawsi cha a vaw hra ta, Abeipa vâlyuhchâpa ta bie a piepa hawhta tao ta, Mâri cha lapinô ta hnei ta.

MATHAI 2:13

Ama sie tawhta, Abeipa vâlyuhchâpa cha Zawsi hnohta a mâ lâta a vaw luah ta, a hnohta, “Thyu la, hawsaih nata a nô kha a chhi la, Izi râh lâ a râ teh. Herawda ta hawsaih kha pahleipadia awpa ta a tlua awpa vâta, ei cha chho heih hlâlei cha, cha liata y thlâh ha mah y,” tah ta.

MATHAI 2:19

Herawda a thi tawhta, Abeipa vâlyuhchâpa ta Izi râh liata Zawsi hnohta a mâ lâta a vaw luah ta,

MATHAI 28:2

Alo thata a vaw sih ta, vârâh tawhta Abeipa vâlyuhchâpa za chô ta, thlâ pamaina lô cha pasie ta, a chô liata a tyuh ta.

LUKA 1:11

Abeipa vâlyuhchâpa pakha a hnohta a vaw luah ta, ropahâhpa raona maisâh chachâh lâta a vaw duah ta.

LUKA 2:9

Abeipa vâlyuhchâpa cha ama hnohta a vaw luah ta, Abeipa rônahna ta ama chheipâh cha za khaih ta, chi ngaita ei ta.

HMOTAOPAZY 10:3

Zâlâ dawh thôh rachhôhpa liata, aluahna sia ngaitapa hmô ta. Khazohpa vâlyuhchâpa a o liata a vaw ngia ta, “Kawnilia,” vaw tah ta.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

HMOTAOPAZY 16:26

Eikhapi ta alo thata a vaw sih ta, patâhna o abônazy taihta a vaw chalyu ta. Ochhi zydua thlai a vaw pahy ta, atâhpazy keihrai cha a vaw pathlâ khai ha ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

HMOTAOPAZY 8:26

Abeipa vâlyuhchâpa ta Phili cha bie a chho ta, “Thyu la, Zerusale tawhta Kâza lâ zuna lâpi, chho lâta râhchawhpa a chapiapa lâpi lâta sie teh,” tah ta.