HMOTAOPAZY 5:16 - Mara Bible RV (BSI)

¹⁶ Zerusale chheipâh khihzy tawhta chyhsazy chhao a vy ei ta, tlâhleipazy nata thlahpa puapa ta a pasasapazy a vaw chhi ei ta, âmo chhao cha patlâh khaipa ama châ.

HMOTAOPAZY 5:16 ပူးပေါင်းရင်းမြစ်များ

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 8:16

Zâlâ a vaw châ nahta, ahripa patupa hluhpi a vaw chhi ei ta, bie ta ahripazy cha papua ta, tlâh leipa zydua patlâh lymâ ta.

LUKA 5:17

Noh kha cha a pachu hai nota, cha liata Phârisaihzy nata ryhpa pachutuhpazy a tyuh hra ei ta. Âmo cha Kâlili nata Zudia khih to tawhta nata Zerusale tawhta a vypazy ama châ. Patlâh theina Abeipa hmotaotheina cha Zisu liata y ta.

LUKA 6:18

A bie nathlie awpa nata ama pasanazy patlâh awpa ta a vypa ama châ. Thlahpa chhiepazy ta a patypamâpazy chhao patlâhpa ama châ.

LUKA 9:11

Châhrasala zawpizy ta ama pahno nahta, Zisu cha pazi ha hra ei ta. Zisu ta âmo cha a vaw ly ta, Khazohpa khinarâh thâtih chho ta, patlâh â ngiahpazy patlâh lymâ ta.

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

HMOTAOPAZY 4:30

Patlâh awpa ta na ku pazawh la, châ chakaotuhpazy he, châ chakaotuhpa pathaihpa Zisu moh ta ngiana nata hmonoâhpazy pataosa lymâ mah y,” tah ei ta.

HMOTAOPAZY 5:15

Pity â vy tita, a nohpahlipa chhâ ta a pahli thei nawpa ei ta, tlâhleipazy a vaw sy ei ta, rakhô nata hmohphawzy chô liata paziapa ta lâlaizy liata soh ei ta.

HMOTAOPAZY 5:17

Chatawhcha theihthai beichaipa nata a sahlao zydua vaw thyu ei ta, âmo cha Saduasi py châ ei ta, hiatliana ta a biepa ama châ.

1 KAWRINI 12:9

Mohropa hnohta Thlahpa lia lilaw ta ngiapâna piepa châ ta, ahropa hnohta, cha Thlahpa lilaw ta patlâh theina piepa a châ.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.