HMOTAOPAZY 4:29 - Mara Bible RV (BSI)

²⁹ Hy Abeipa, ama pachhiparynazy he pachâ tua. Châ chakaotuhpazy he riahpha ngaitapa ta na bie reih lymâ awpa ta miah bao mah y.

HMOTAOPAZY 4:29 ပူးပေါင်းရင်းမြစ်များ

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

CHAPHÔHTUNA 3:50

Abeipa ta vârâh tawhta za moh sala, A hmô hlâlei cha ei mothlih a loh lymâ aw;

CHAPHÔHTUNA 5:1

Hy Abeipa y, eima chô liata a vaw tlôpa he a thei la, Eima maophyuhna he moh la, hmô mah y!

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 14:3

Abeipa liata riahpha ngaitapa ta bie reipa ta, cha liata bohpi y ei ta, Abeipa ta ngiana nata hmonoâhpazy ama ku ta pataosapa ta, a ngiachhiena bie ama reipa cha pahnokhei lymâ ta.

HMOTAOPAZY 19:8

Pawla cha pakhyna o liata a ngia tyh ta, thla thôh chhôh riahpha ngaitapa ta bie reih ta, Khazohpa khinarâh kyh liata âmo cha Biehrai a laichadaikheipa ta pahnie a chhuah ta.

HMOTAOPAZY 26:26

He bie he abei ta a pahno. Chavâta ano hnohta cha riahphapa ta ei reipa a châ. He hmozy he a chaki chakô liata taopa châ veih ei. Chavâta a abei pahno lei awpa ta phihpa y tlâ vei, tahpa a siapa ta ei pahno.

HMOTAOPAZY 28:31

Riahpha ngaitapa nata pakhâna y leipa ta, Khazohpa khinarâh kyh reih ta, Abeipa Zisu Krista thâtih a pachu lymâ.

HMOTAOPAZY 4:13

Pity nata Zawhâna riahphazie cha hmô ei ta, châthai leipa nata chyhsa zawrâpa dei ama châpa ama pahno nahta, ama noâh kaw ta. Zisu hnohta a y tyhpa ama châpa pahno ha ei ta.

HMOTAOPAZY 4:21

Hmonoâhpa a tlôpa vâta, chyhsa zydua ta Khazohpa reithai ei ta, zawpizy vâna chata hrie ngâh khao leipa ei ta, pachhipary via heih ei ta, ama pathlie haw.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 9:27

Bânabâ deikua ta ano cha a pyh ta, lyuhchâpazy lâ vawkhei ta, lâpi liata Abeipa hmô ta, Abeipa ta a hnohta bie â chhopa kyh zy, Dâmaskâ liata Zisu moh ta riahpha ngaitapa ta bie a chhopa kyh zy pachupazy hnohta reih ta.

HMOTAOPAZY 9:28

Chatanachata Sawla cha Abeipa moh ta riahpha ngaitapa ta bie chhopa ta, Zerusale liata pachupazy hnohta a ngia heih, pua heih tahpa ta y ha hra ta.

1 KAWRINI 14:13

Chavâta reihtheileipa ta bie a reihpa ta a chhopasia thei nawpa ta thlahchhâ mawh sy.

2 KAWRINI 3:12

Cha hawhpa hnabeiseihna eima hneipa vâta, keimo la eima riah a pha ngaita.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.