HMOTAOPAZY 3:6 - Mara Bible RV (BSI)

⁶ Pity ta, “Tâkâ nata ngôh hnei va na, châhrasala ei hnei chhôhpa ei cha pie aw. Nâzari Zisu Krista moh ta thyu la, na phei ta sie teh,” tah ta.

HMOTAOPAZY 3:6 ပူးပေါင်းရင်းမြစ်များ

MATHAI 10:9

Nama chaisaihna liata ngôh tlyma, tâkâ tlyma, dawh tlyma a phao leipa u la,

MATHAI 7:22

Cha noh liata chyhsa hluhpi ta ei hnohta, ‘Abeipa, Abeipa, na moh ta hrohsona bie phuah ma pi ma, na moh ta ahripazy papua ma pi ma, na moh ta hmonoâhpa hluhpi tao ma pi ma?’ ama tah aw.

MÂKA 14:8

Chanô heta a tao theipa a tao hih. Pabu awpa ta ei pôhpa he sathaw a thu chhieliepa a châ.

MÂKA 16:17

He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

ZAWHÂNA 19:19

Pilâ ta châ roh ta, kraws pawhmao liata tawh ta, châ tawpa cha, “Nâzari Zisu, Zuzy Beipa,” tahpa ta ropa a châ.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 16:18

Cha hawhna chata noh hluhpi tao ta. Pawla cha a palôh châ khao leipa ta, a heih ta, thlahpa hnohna chata, “A chhôh tawhta pua awpa ta, Zisu Krista moh ta bie ei cha pie,” tah ta. Cha dawh lia tlai chata pua ha ta.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 2:36

Chavâta Zisu nama khaipâpa tlai kha, Khazohpa ta Abeipa nata Mesia ta a taopa a châ tahpa cha, Izarei phopi zydua ta pahno tlai mawh ei sy,” tah ta.

HMOTAOPAZY 3:16

Zisu moh ta, Zisu moh angiapâna ta he chyhsa nama hmôpa nata nama pahno tyhpa he a thapatlô ta, ano vâta ngiapâna a vaw ypa ta nama zydua mohmô liata a patlâh ha hih.

HMOTAOPAZY 3:5

Kudaopa cha âmo tawhta khâpa tlyma hmô awpa hnabeiseihpa ta, âmo cha vaw moh ta.

HMOTAOPAZY 3:7

A ku chachâh lâ patu ta, pathyu ta, a pheizy nata a phei lobyuh rupazy cha a tha thlai vaw y ha ta.

HMOTAOPAZY 4:10

nama zydua ta pahno u la, Izarei saw zydua ta pahno mawh ei sy. Nâzari Zisu Krista nama khaipâpa, Khazohpa ta athihpa hry tawhta a pathyu heihpa moh ta, he chyhsa he nama hmiakô liata a tlâhpa ta â duahpa a châ hih.

HMOTAOPAZY 4:7

Pity nata Zawhâna cha a liah liata paduasa ei ta, “Khâpa hmotaotheina ta ma, ahy moh ta ma, hezy he nama tao?” tahpa ta hiahri ei ta.

HMOTAOPAZY 9:34

Pity ta a hnohta, “Ainia, Zisu Krista ta a cha patlâh haw, thyu la na hmohphaw loh teh,” tah ta. Thlai thyu ha ta.

1 KAWRINI 4:11

Tahmâ taih chhao heta nodipa ta eima dâhphi ta, chysia miah vao leipa ta, taochhiepa ta y pi ta, o chhao hnei ma pi.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.