HMOTAOPAZY 28:6 - Mara Bible RV (BSI)

⁶ A vaw thloh aw tlyma, eikhapi ta paopa ta a thi aw tlyma, tahpa ta Pawla cha moh thlâh ha ei ta. Bohpi hâ ei ta, kheihta hmah a y leipa ama hmô nahta, ama palôh anano ta, khazoh a châ hih, tlao tah heih ei ta.

HMOTAOPAZY 28:6 ပူးပေါင်းရင်းမြစ်များ

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 27:22

Pilâ ta ama hnohta, “Cha khiahta la, Krista ama tahpa Zisu he zaw, kheihta ei tao aw?” tah ta. Ama zydua ta, “Khaipâ teh,” tah ei ta.

HMOTAOPAZY 12:22

Zawpizy ta, “Khazoh ao a châ, chyhsapa ao châ vei!” tahpa ta awh ei ta.

HMOTAOPAZY 28:7

Cha su chheipâh liata liahpahlôzy cha, Bei Publia râh châ ta. Ano chata miah a vaw ly ta, noh thôh chhôh a ly kawpa ta a o liata miah patlôsa ta.

HMOTAOPAZY 8:10

Chyhsa zydua, hawti chaipa tawhta a lai chaipa taihta, “He chyhsa he Khazohpa hmotaotheina, Rônah ama tahpa kha a châ hih,” tah ei ta, a bie ama nathlie kaw tyh.