HMOTAOPAZY 28:18 - Mara Bible RV (BSI)

¹⁸ Bie eina hiahri no ei ta, leihpa ei châna kyh liata, thina ta hrie tlâh awpa khâpa hmah a y leipa vâta, na pathlie awpa ama khoh.

HMOTAOPAZY 28:18 ပူးပေါင်းရင်းမြစ်များ

HMOTAOPAZY 22:30

A mylâ ta, Zuzy ta ama leihna chhâpa hmeiseihpa pahno a chhuahpa ta, pheisaih hyutuhpa ta Pawla chahryna cha pathlâ ta. Theihthai beizy nata ryureituhpa zydua a hmaoh awpa ta biepie ta. Pawla cha a zâ chhi ta, ama hmiakô liata paduasa ta.

HMOTAOPAZY 23:29

Ama ryhpa bie kyh liata ama leihpa a châpa pahno na ta, ama leihna cha thina tlyma, patâhna tlyma, â phuhpa ta pahno leipa na ta.

HMOTAOPAZY 24:10

Bie reih awpa ta râhvaotuhpa ta ano lâ a ku a thliethlâpa a hmô na ta, Pawla ta a chhy ta, “Kô hluhpi chhôh, he phopi chô liata ryureituhpa na châpa ei pahnopa vâta, thathyu ngaitapa ta ei thaichâna bie ei reih aw.

HMOTAOPAZY 24:22

Felika cha Lâpi zyhna kyh a pahno kawpa vâta, “Pheisaih hyutuhpa Lysia â zu tita nama bie he ei pachâ aw,” tah ta, ama bie cha soh ha chy ta.

HMOTAOPAZY 25:25

Châhrasala thina tlâh a châpa hmo khâpa hmah a taopa hmô va na. Ano ta beichaipa kô tlô awpa â haw hapa vâta, beichaipa lâ cha paphao awpa ei chhuah.