HMOTAOPAZY 27:40 - Mara Bible RV (BSI)

⁴⁰ Thua cha-ia rizy â pachhô ei ta, tilaipi liata siesai ei ta. Balyh hiana chahry pâna rizy chhao pathlâ ei ta, a hmia lâta pohraipa cha thlih ta a hmô thei nawpa ta pasâh ei ta, raphyu lâ pangai ei ta.

HMOTAOPAZY 27:40 ပူးပေါင်းရင်းမြစ်များ

ISAI 33:23

Na chaorizy padaopa châ ta, Poh zawna tôh pa-i thei leipa ei ta, Balyh poh pakai thei vei. Hraona sôh hluhpizy raipa châ aw ta, Pheisypazy chhao ta amâ phao hra aw.

MATHAI 4:18

Kâlili Tipo kiah liata a sie hai nota, unawh pano, Saimaw, Pity ama tahpa nata a unawhpa Adaru zy cha tilaipi liata sao ama vaw ngâpa hmô ta. Âmo cha nga patutuhpazy ama châ.

HMOTAOPAZY 27:17

Amâ daophi khai tawhta, balyh chyhpa nata balyh laipa cha khawhhri ta chahry pâ ei ta. Syti su liata sadi liata amâ tâh pathlei awpa chipa ta, balyh pohraipa cha pahnai ei ta, thlih siena lâta a paphaosa ei ta.

HMOTAOPAZY 27:41

Châhrasala tilaipi miano atyhna su liata a ngia pi ta, balyh cha alei chô liata patâh ha ei ta. Balyh luh lâ a taw ha ta, papie thei leipa ta y ta, a chao lâ deikua cha ti chatlaopa rupa ta parao pathao ta.