HMOTAOPAZY 27:21 - Mara Bible RV (BSI)

²¹ Pati nie leipa ta bohpi ama y tawhta, Pawla cha ama hry liata a duah ta, ama hnohta, “Pupa saih u, ei bie kha zyhpa ta, Krite liahpahlô tawhna khata vaw sie leipa ei sih la cha, he hmahphaona nata pahleina he eimâ tyh lei awpa tlai.

HMOTAOPAZY 27:21 ပူးပေါင်းရင်းမြစ်များ

ÂTHAONA 42:22

Rubena ta âmo cha a chhy ta, “Hawtipa chô liata hmo parao lei awpa ta cha chho veih ei na mâ? Nama nathlie khoh leipa kha. Chavâta a thisaih phuh lapa a châ ha tlai hih,” tah ta.

HMOTAOPAZY 27:12

Balyh apahâna su cha chasipaw daihti hmâ nawpa châta â ryh leipa vâta, a hluh via ta sie awpa pha tah ei ta. Phôni khih chhâ ama tlô thei khiahta cha, cha liata chasipaw daihti hmâ awpa a phapa ta pahno ei ta. Phôni khih cha Krite liahpahlô liata balyh apahâna miakha châ ta, chho notla lâ nata maw notla lâ a heihpa a châ.

HMOTAOPAZY 27:13

Chho thlih nai zualuapa a vaw pathli nahta, ama khozie hawhta a châpa ta pachâ ei ta, thua cha-ia chalo ei ta, Krite liahpahlô ngiahkâ chheipa ta sie ei ta.

HMOTAOPAZY 27:20

Noh hluhpi chhôh noh nata awhsizy a lâ leipa ta, thlihpi ru ngaitapa ta miah a chanaoh ngâ thlâh hapa vâta, hro awpa rai a hnabeiseih khao ma pi.

HMOTAOPAZY 27:7

Noh hluhpi dusawta ta sie pi ta, vâsâ ta Knidu khih dady tlô pi ta, thlih ta eima hmia lâ tawhta miah a supa vâta, Salmône dady ta thlih a chalihna Krite lâta chahrih pi ta.