HMOTAOPAZY 27:1 - Mara Bible RV (BSI)

¹ Itali râh lâ balyh ta eima sie awpa ama pathlu nahta, Pawla nata atâhpa chyhsa thokhazy cha Awkastu py liata pheisaih za kha hyutuhpa Zulia ama tahpa ku liata hlâ ei ta.

HMOTAOPAZY 27:1 ပူးပေါင်းရင်းမြစ်များ

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

HLAZY 33:11

Abeipa ryhraona deikua cha chhâzaw ta a duah ta, A palôh achhuahnazy chhao chhâ zydua ta â duah aw.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

CHAPHÔHTUNA 3:27

A thyutlia daihti liata raopaky a kypa chyhsa cha, Ano châta hmopha a taopa a châ.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

MATHAI 27:54

Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

LUKA 23:47

Pheisaih za kha hyutuhpa ta hmo a tlôpa cha a hmô nahta, “He chyhsa he chyhsa siapa tlai na a châ!” tah ta, Khazohpa reithai ta.

LUKA 7:2

Pheisaih za kha hyutuhpa chakaotuhpa kho ngaitapa cha tlâh leipa ta, thi daihmâ ta.

HMOTAOPAZY 10:1

Kaisaria liata Kawnilia ama tahpa chyhsa pakha y ta. Ano cha Rawma pheisaih Itali py ama tahpa liata pheisaih za kha hyutuhpa a châ.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 16:10

Cha aluahna cha Pawla ta a hmô nahta, ama hnohta Thâtihpha chho awpa ta Khazohpa ta miah a aw tahpa pahno pi ta, chatanachata Mâsidônia râh lâ cha thlai sie a chhuah pi ta.

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 19:21

Cha khai tawhta, Pawla cha Thlahpa chhihthapa ta Mâsidônia râh nata Akai râhzy chahryh ta, Zerusale lâ sie a chhuah ta, “Cha râhzy ei tlô tawhta, Rawma chhao ei tly awpa a châ,” tah ta.

HMOTAOPAZY 21:32

Pheisaihzy nata pheisaih zakha hyutuhpazy a chhipa ta zawpi lâ thlai a râ ta. Zawpizy ta pheisaih hyutuhpa nata pheisaihzy ama hmô nahta, Pawla ama chheipa cha a chalih ei ta.

HMOTAOPAZY 22:26

Cha bie cha pheisaih za kha hyutuhpa ta a thei nahta, pheisaih hyutuhpa lâ vawh ta, a hnohta, “Na tao awpa he pachâ pasia mah y. He chyhsa he Rawma chyhsa a châ,” tah ta.

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.

HMOTAOPAZY 23:17

Pawla ta pheisaih za kha hyutuhpa aw ta, a hnohta, “He satlia he pheisaih hyutuhpa lâ a chhi teh, a hnohta bie rei awpa a hnei,” tah ta.

HMOTAOPAZY 24:23

Pheisaih za kha hyutuhpa hnohta Pawla cha patâhna o liata khô chy awpa ta biepie ta. Châhrasala khotalaina khazie rakha ma piepa ta, a viasazy ta ama deichhy awpa pakhâ lei awpa ta biepie ta.

HMOTAOPAZY 25:12

Festâ ta a ryureilâhpazy â chhohia khai nahta, Pawla cha a chhy ta, “Kaisarâ kô tlô awpa na khoh ha tawhta cha, Kaisarâ lâ na sie aw,” tah ta.

HMOTAOPAZY 25:25

Châhrasala thina tlâh a châpa hmo khâpa hmah a taopa hmô va na. Ano ta beichaipa kô tlô awpa â haw hapa vâta, beichaipa lâ cha paphao awpa ei chhuah.

HMOTAOPAZY 27:11

Châhrasala pheisaih za kha hyutuhpa ta Pawla bie reipa hlâta balyh puhpa nata balyh hneituhpa bie pachâ peimawh via ha ta.

HMOTAOPAZY 27:43

Châhrasala pheisaih za kha hyutuhpa ta Pawla a pachha khohpa vâta, ama hmo a chhuahpa cha pakhâ ha ta. Ti zaw athaipa maih balyh tawhta a zawpa ta raphyu lâ pua tua awpa ta biepie ta.

HMOTAOPAZY 27:6

Cha liata pheisaih za kha hyutuhpa ta Alezandria khih balyh Itali râh lâ a sie awpa hmô ta, cha liata miah pakiasa ta.

HMOTAOPAZY 28:1

Eima pua khai tawhta, liahpahlô moh cha Maltâ a châ tahpa pahno pi ta.

HMOTAOPAZY 28:16

Rawma eima tlô nahta, Pawla cha vaituhpa pheisaih hneipa ta, ano kho ta y awpa ta pasaipa châ ta.

HEBRAI 13:24

Nama hyutuhpa zydua nata mopathaihpa zydua nâ naohpa muh vy. Itali râh tawhta a vypazy ta ama châ naoh.