HMOTAOPAZY 26:16 - Mara Bible RV (BSI)

¹⁶ Châhrasala thyu la, na phei ta a duah teh. Nâ chakaotuhpa ta cha tao awpa ta na hnohta ei vaw luah. Kei liata hmo na hmôpazy nata na hnohta ei luahna liata na hmôpazy nâ châhkhei lymâ aw.

HMOTAOPAZY 26:16 ပူးပေါင်းရင်းမြစ်များ

EZEKIA 2:1

Chatawhcha Abeipa ta ei hnohta, “Chyhsa sawchapawpa y, na phei ta a duah teh, na hnohta bie ei reih aw,” tah ta.

DÂNIAH 10:11

Ano ta ei hnohta, “Hy Dâniah, chyhsa pasâhsa a chhih ngaitapa y, na hnohta bie ei rei awpazy he pakhâta ta pachâ mah y; a kaw duah teh, na hnohta tuapa ei châ hih,” tah ta. He bie he ei hnohta a reih khai nahta, a chalyuna chôta a kaw duah na ta.

LUKA 1:2

a hmôtuhpazy nata bie chakaotuhpazy ta âthaona tawhta miah hlâ pachhuah hra ei ta.

HMOTAOPAZY 1:17

Ano cha eima hry liata rei pâpa châ ta, he chakaona liata tovyuh chhao piepa a châ.

HMOTAOPAZY 1:25

Ano cha Zudâh ta tleisaipa ta ano khopa lâ a siesai hapa, he chakaona rai nata lyuhchâpa su a thla awpa a châ,” tah ei ta.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 21:19

Pawla ta âmo cha â naoh khai nah ei ta, a chakaona hmâpa ta Khazohpa ta Zenitaizy hry liata hmo a taopazy miakha miakha ta reih ta.

HMOTAOPAZY 22:10

Kei ta, ‘Abeipa, khâpa ei tao aw?’ tah na ta. Abeipa ta ei hnohta, ‘Thyu la, Dâmaskâ khihpi liata a ngia teh. Cha liata na tao awpa ta raopa hmo zydua ama cha chho aw,’ tah ta.

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.

HMOTAOPAZY 26:15

Chatawhcha kei ta, ‘Abeipa, ahy ma na châ?’ tah na ta. Abeipa ta, ‘Zisu na taolapa kha ei châ.

HMOTAOPAZY 6:4

Keimo deikua cha thlahchhâna nata bie chho chakaona liata eima daihti eima hmâh aw,” tah ei ta.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

2 KAWRINI 4:1

Cha chakaona cha Khazohpa zawngiahna vâta eima hnei theipa a châpa vâta, eima palôh chhâ vei.

2 KAWRINI 5:18

Cha zydua cha Khazohpa tawhta a puapa a châ. Krista vâta Khazohpa ta ano nata a ryhpa ta miah tao ta, aryhna chakaona raihria miah a pie.

KALATIA 1:12

Chyhsa tawhta ei daopa thâtihpha châ leipa ta, eina pachupa ei thâtihpha châ hra vei, Zisu Krista aluahna ta ei daopa thâtihpha a châ.

KALATIA 2:2

Aluahna kyh vâta a khypa châ na ta, hraoleipa liata a vaw râpasuapa tlyma, a râpasua haipa tlyma ei châ lei nawpa ta, Zenitaizy hry liata thâtihpha tlâh ei awkhei tyhpa cha, nôpaw viapazy hnohta ano eih ta ei chho ei.

EPHESI 3:3

Aluahna ta bienyupa pahnosapa ei châpa kyh a chyuta ei vaw roh ha khawh.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:25

Khazohpa bie â kipa ta ei cha chho thei nawpa ei ta, nâmo mohôhna raihria Khazohpa ta eina piepa lymâ hawhta, Awnanopa chakaotuhpa ta taopa ei châ.

KAOLAOSÂ 1:7

Eima chakaolâhpa kho ngaitapa Epâpharâ tawhta thâtihpha thei ei chi ta, ano cha keimo vyuhpa ta Krista chakaotuhpa ngâchhihpa a châ.

1 THYSALAWNIKA 3:2

Chatanachata Krista thâtihpha liata eima unawhpa nata Khazohpa eima chakaolâhpa Timawthy cha, namâ ngiapâna pa-i awpa nata tha cha patlô awpa ei ta eima vaw tuah.

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.

1 TIMAWTHY 4:6

Chazy cha unawhzy na pahnosa khiahta cha, Krista Zisu chakaotuhpa phapa, ngiapâna bie nata biezyhpa phapa pachuna liata a laiseihpa na châ aw.

2 TIMAWTHY 4:5

Nâ deikua cha, ato liata a sohsi la, riethei tao la, thâtihpha chhotuhpa rai hria la, na chakaona patlô mah y.