HMOTAOPAZY 25:25 - Mara Bible RV (BSI)

²⁵ Châhrasala thina tlâh a châpa hmo khâpa hmah a taopa hmô va na. Ano ta beichaipa kô tlô awpa â haw hapa vâta, beichaipa lâ cha paphao awpa ei chhuah.

HMOTAOPAZY 25:25 ပူးပေါင်းရင်းမြစ်များ

ZEREMIAH 26:16

Chatawhcha beimachâzy nata zawpi zydua ta theihthaipazy nata hrohsopazy hnohta, “He chyhsa he thi awpa ta a thâtih pachia tlâh châ vei, Abeipa eima Khazohpa moh ta eima hnohta bie a reihpa tlao a châ hih,” tah ei ta.

LUKA 23:14

ama hnohta, “He chyhsa he, chyhsazy a siekheichhei tahpa ta kei lâ namâ vaw chhipa kha châ ta. Nama hmiakô lia tlai ta a padai na ta, pachâ teh u, nama leihna kyh liana khata, he chyhsa chô liata a thaileichâna khâpa hmah hmô va na.

LUKA 23:4

Pilâ ta theihthai beizy nata zawpizy hnohta, “He chyhsa chô liana heta thailei pachâsa nawpa khâpa hmah hmô va na,” tah ta.

ZAWHÂNA 18:38

Pilâ ta a hnohta, “Bie hmeiseihpa cha khâpa maw?” tah ta. Cha bie cha Pilâ ta a rei khai nahta, Zuzy lâta pua heih ta, ama hnohta, “Khâpa hmah a moleina hmô va na.

HMOTAOPAZY 23:29

Ama ryhpa bie kyh liata ama leihpa a châpa pahno na ta, ama leihna cha thina tlyma, patâhna tlyma, â phuhpa ta pahno leipa na ta.

HMOTAOPAZY 23:9

Ryureina cha thata a vaw tyhreih ta, Phârisaihzy lâta ryhpa pachutuhpa thokha a duah ei ta, ama leihna bie cha chakhia ei ta, “He chyhsa he khâpa hmah a moleina hmô ma pi. Thlahpa ta tlyma, vâlyuhchâpa tlyma ta bie a chhopa a châ khiah cha, khâpa eima reih thei aw?” tah ei ta.

HMOTAOPAZY 25:26

Châhrasala ano kyh liata ei zibeipa lâ ro hmeiseih awpa chhao hnei va na. Chavâta nama zydua hmiakô liata ei vaw chhi hih, a eih pachaipa ta, Bei Akaripâ, nâma hmiakô liata ei vaw chhi, bie na hiahri khai tawhta khâpa chhâ ma ro awpa ei hnei thei nawpa ta.

HMOTAOPAZY 26:31

Ama pua nahta, a chhohia ei ta, “He chyhsa heta thina tlâh a châpa tlyma, patâh tlâh a châpa tlyma, khâpa hmah tao vei,” tah ei ta.

HMOTAOPAZY 27:1

Itali râh lâ balyh ta eima sie awpa ama pathlu nahta, Pawla nata atâhpa chyhsa thokhazy cha Awkastu py liata pheisaih za kha hyutuhpa Zulia ama tahpa ku liata hlâ ei ta.

HMOTAOPAZY 28:18

Bie eina hiahri no ei ta, leihpa ei châna kyh liata, thina ta hrie tlâh awpa khâpa hmah a y leipa vâta, na pathlie awpa ama khoh.