HMOTAOPAZY 25:23 - Mara Bible RV (BSI)

²³ A mylâ ta Akripâ nata Benisi cha pheisaih hyutuhpazy nata khihpi nôpawzy chhaota rônah ngaitapa ta a vy ei ta, zawpi ahmaohna o liata a ngia ei ta. Festâ bie ta Pawla cha a vaw ngiakhei ei ta.

HMOTAOPAZY 25:23 ပူးပေါင်းရင်းမြစ်များ

ESTHERI 1:4

 beina râh rônahzie nata ano mopakha rônahzie nata laiphazie zy noh hluhpi, noh 180 tlai pamosa ta.

BIECHHOTUHPA 1:2

Biechhotuhpa ta, “Hraoleipa sai, hraoleipa sai, Hraoleipazy hry liata hrao lei chaipa, Ato hraoleipa sai a châ,” tah ta.

ISAI 14:11

Nâ papiparysana kha Athihkhih lâ sie ha ta, Na totâ pyu chhao Athihkhih lâ a sie haw. A ry lâta na hmohphaw châta, Alôpazy phawpa châ ta; A chô lâta nâ bu awpa ta, Châkariepazy sopa a châ.

ISAI 5:14

Chavâta Athihkhih ta a laopalâna pakawhpa ta, A pakah kawhna zie thlie thei lei awpa ta a pakah a â. Zerusale beimachâzy nata zawpizy Athihkhih lâ zu aw ei ta, Sahma sâtlâh paziahpa ta, Khihpi liata a ly kaw tyhpazy chhao, Athihkhih lâ ama zu aw.

EZEKIA 30:18

Tehâphanehe liata Izi raopaky thlie aw na ta, Â palaikhei kaw tyhpa a thatlôna ei pachhâsa tita, Tehâphanehe liata noh a zoh aw; Khihpi cha meihdo ta khu aw ta, A sawchanôzy seichâna lâ ama sie aw.

EZEKIA 32:12

Pasaiphazy zaozi ta Na zawpizy papaosa aw na ta, Phopi nôchhie chaipa hmâpa ta Na zawpizy ei papaosa aw; Izi rônahna cha parao aw ei ta, A chyhsa zydua ama leidia aw.

EZEKIA 33:28

Râh cha roryhrapa nata a rypa ta tao aw na ta, â palaikhei kawpa a thatlôna chhao ei pachhâsa ha aw. Izarei tlâhpizy cha roryhrapa ta ama y awpa vâta, ahy hmahta chapia khao aw veih ei.

EZEKIA 7:24

Ama ozy chhu awpa ta, phopizy hry liata phopi chhie chaipa ei vaw chhi aw. Thatlôpazy apalaina pachhâsa aw na ta, ama su pathaihpazy papuapaleipa a châ aw.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

MÂKA 6:21

Herawdi châta daihti rypaohpa vaw y ta. Herawda ta a pina noh liata a beimachâzy, a pheisaih hyutuhpazy nata Kâlili râh liata molaipazy châta kyhchhi tao ta.

HMOTAOPAZY 12:21

Noh taipa noh ta, Herawda cha abei poh a bu ta, a beidyuchhai liata a tyuh ta, ama hnohta bie reih ta.

HMOTAOPAZY 25:13

Noh khazie tlyma a khô tawhta, Bei Akripâ nata Benisi cha Festâ a naoh awpa ta Kaisaria lâ za tlô ei ta.

HMOTAOPAZY 26:30

Chatawhcha abei cha thyu ta, râhvaotuhpa nata Benisi nata ama hnohta a tyuhpazy chhao thyu ei ta.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

1 KAWRINI 7:31

Khizaw hmo liata â hmâhpazy chhao, â hmâh leipa hawhta y mawh ei sy. Khizaw yzie he a leidia hai.

ZÂMIE 1:11

Noh vaw chhi ta, thata palo ta, sibiepa cha uah ta, a paw zô ta, â ngiana a lei tyh. Cha hawhna chata chyhsa hneirôhpa chhao, hneirôna a tluana lâpi liata a uah aw.

1 PITY 1:24

“Chyhsa zydua sibiepa hawhta châ ei ta, Ama rônahna zydua chhao, Sibiepa paw hawh dei a châ. Sibiepa cha uah ta, Pawpi chhao a lo tyh.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.