HMOTAOPAZY 24:14 - Mara Bible RV (BSI)

¹⁴ Châhrasala he bie he na hnohta ei phuah aw. Âmo ta py ama tahpa Lâpi zyhna siezie hawhta miah pathlatuhpazy Khazohpa a chhypa châ na ta, ryhpa nata hrohsopazy châbu liata ropa zydua a ngiapâtuhpa ei châ.

HMOTAOPAZY 24:14 ပူးပေါင်းရင်းမြစ်များ

1 THÂTIHZYRONA 29:18

Hy Abeipa, miah pathlatuhpa Abarahâ, Aisika nata Izarei Khazohpa y, he hawhpa achhuahnazy nata pachânazy he na phopi palôh liata khâ paysa la, ama pathipalôhzy nâ lâ khâ paheisa mah y.

HLAZY 119:46

Beizy hmiakô liata na bieraopazy reih aw na ta, Hmia pachhiepa châ aw va na;

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

MATHAI 10:32

“Ahy rai chyhsa hmiakô liata nâ châhkheipa cha, ei Paw vârâh liata a ypa hmiakô liata a châhkhei aw na ta,

MATHAI 22:40

He biepiepa miano liana heta Ryhpa bie nata hrohsopa bie zydua â pahnieh khai,” tah ta.

MATHAI 7:12

Chavâta chyhsa ta nama chô liata ama tao awpa nama khopa hawhta, chyhsa chô liata tao hra muh vy. Cha cha ryhpa nata hrohsopazy bie a châ.

LUKA 1:70

Leilô pi tua no tawhta A hrohso pathaihpazy pakah ta a rei hapa hawhta,

LUKA 16:16

“Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ.

LUKA 16:29

Abarahâ ta, ‘Mawsi nata hrohsopazy ama hnei mâh tâh. Âmo bie nathlie mawh ei sy,’ tah ta.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

LUKA 24:44

Chatawhcha ama hnohta, “Hezy he ei rei tyhpa, Mawsi Ryhpa liata nata Hrohsopazy Châbu liata nata Hlazy liata ei thâtih ropa zydua a vaw tlô khai awpazie nama hnohta ei y nota ei cha chho tyhpa ei kha a châ,” tah ta.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

HMOTAOPAZY 10:43

Hrohsopa zydua chhao ta, ahy rai ano a ngiapâpa maih cha, ano moh ta moleinazy a ngiahthaipa ama châ aw, tahpa ta ama vaw pahnokhei chhieliepa kha a châ,” tah ta.

HMOTAOPAZY 13:15

Ryhpa châbu nata hrohsopazy châbu tawhta ama rei khai nahta, pakhyna o hyutuhpazy ta âmo lâ chyhsa tuah ei ta, “Unawh saih u, zawpi châta pasyuna bie nama hnei khiahta cha, reih teh u,” tah ei ta.

HMOTAOPAZY 15:5

Châhrasala Phârisaihzy py liata a ypa ngiapâtuhpa thokha ta a duah ei ta, “Zenitaizy cha ama chopaw tai thlyu awpa châ ta, Mawsi ryhpa zyh awpa ta biepie awpa a châ,” tah ei ta.

HMOTAOPAZY 19:23

Cha daihti liata, Lâpi zyhna kyh vâta atymâna lai ngaitapa pua ta.

HMOTAOPAZY 19:9

Châhrasala thokha cha chhorupa ta y ei ta, a ngiapâ khoh leipa ta, zawpi hmiakô liata Lâpi zyhna cha reipachhie ei ta. Chavâta âmo cha siesaipa ta, pachupazy ânano ta a chhi ta, noh chareih ta Tyrânâ pachuna o liata âmo cha Biehrai a laichadaikhei tyh ta.

HMOTAOPAZY 22:14

Anania ta, ‘Miah pathlatuhpazy Khazohpa ta a khopa pahno awpa nata Mo Siapa hmô ta, a pakah tawhta ao thei awpa ta a cha rao.

HMOTAOPAZY 24:22

Felika cha Lâpi zyhna kyh a pahno kawpa vâta, “Pheisaih hyutuhpa Lysia â zu tita nama bie he ei pachâ aw,” tah ta, ama bie cha soh ha chy ta.

HMOTAOPAZY 24:5

He chyhsa he tymâna a taotuhpa, khizaw liata Zu chyhsa zydua a patypahreituhpa nata Nâzari py liata ama hyutuh chaipa pakha a châpa ta eima pahno.

HMOTAOPAZY 25:8

Pawla ta a thaichâna bie reih ta, “Zuzy ryhpa chakhiapa ta tlyma, Achhyna o ryhpa chakhiapa ta tlyma, Kaisarâ chakhiapa ta tlyma, khâpa hmo hmah parao va na,” tah ta.

HMOTAOPAZY 26:22

Châhrasala Khazohpa tawhta baona ei hmôpa vâta, tanoh taihta a châhkhei lymâ thei na ta, he liata chhao a duah na ta, chyhsa nawhpazy nata molaipazy hmiakô liata ei châhkhei theipa he a châ. Hrohsopazy nata Mawsi ta a vaw tlô awpa ama reipazy dei leipa ta, bie hropa khâpa hmah reih va na.

HMOTAOPAZY 26:27

Bei Akaripâ, hrohsopazy na zo ma? Na zo tahpa ei pahno,” tah ta.

HMOTAOPAZY 26:4

“Ei thyutlia tawhta ei chiheihzy hry liata nata Zerusale liata ei hroziezy cha, Zu chyhsa zydua ta âthaona tawhta ama pahno.

HMOTAOPAZY 26:6

Khazohpa ta miah pathlatuhpazy hnohta bie â taihpa liata hnabeiseihna ei hneipa kyh vâta tahmâ he liata pachiapa ta a duahpa ei châ.

HMOTAOPAZY 28:22

Châhrasala he py he su to liata reipachhiepa châ tlôh ei ta, nâma ta kheihta ma na pachâ tahpa pahno eima khoh,” tah ei ta.

HMOTAOPAZY 28:23

A noh taih ei ta, cha noh liata a tlôna o liata chyhsa hluhpi ta vaw pangai ei ta. My tawhta zâlâ taihta âmo cha chhopasia ta, Khazohpa khinarâh a châhkheipa ta, Mawsi ryhpa nata hrohsopazy châbu liata Zisu kyh reipa ta Zuzy cha pahnie a chhuah ta.

HMOTAOPAZY 3:13

Abarahâ Khazohpa, Aisika Khazohpa nata Zakaw Khazohpa, miah pathlatuhpazy Khazohpa ta a chakaotuhpa Zisu a parônahsapa a châ hih. Ano cha patusa ei chi ta, Pilâ ta pathlie â chhuahpa chhao ta, Pilâ hmiakô liata namâ paphasai hapa kha a châ.

HMOTAOPAZY 5:30

Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw.

HMOTAOPAZY 7:32

‘Kei he châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,’ tah ta. Mawsi cha a chalyu ta, moh ngâh khao leipa ta.

HMOTAOPAZY 9:2

Lâpi zyhna py liata chyhsa ahy rai a hmô khiah ei ta cha, a chapaw chanô ta chahrypa ta, Zerusale lâ â vaw chhi thei nawpa ei ta, Dâmaskâ pakhyna ozy liata pie awpa châzy hiah ta.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 3:21

Châhrasala ryhpa nata hrohsopazy reipa hawhta, ryhpa leipa ta Khazohpa siana cha tahmâ paluahsapa ta a y haw.

1 KAWRINI 11:19

Nama hry liata a hmeiseihpazy amâ lâ thei nawpa ta, py achhaihna chhao cha a y awpa rai a châ.

KALATIA 5:20

nothlahpa achhyna, dyuthaina, ahaona, ahryuna, hiatliana, pathichhiena, ateina, apananona, achhaihna,

2 TIMAWTHY 1:3

Ei thlahchhânazy liata chhô nah zâ ta khâ châ thei tyh na ta, nâ pathlatuhpazy taozie hawhta, chhie nata pha pahnona siapa ta ei chakaopa Khazohpa hnohta nâma vâta alyna bie ei reih tyh.

TITU 3:10

Achhaihna a papuatuhpa cha, ei kha ei no zikyu a râ la, a ro khoh vei khiahta cha, ano nata azaona khâpa hmah hnei khao khah y.

1 PITY 1:11

âmo liata a ypa Krista Thlahpa ta Krista pasa tao awpa nata cha khai tawhta palyupalihna a vaw pazi awpazy kyh ama rei chhielie nona khata, khati ta ma vaw tlô aw ta, kheihawh ta a vaw tlô awpa ma a châ tahpa zy amâ laichadai tyh.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.