HMOTAOPAZY 24:1 - Mara Bible RV (BSI)

¹ Noh pangawh a khô tawhta, theihthai beichaipa Anania cha machâ thokhazy chhaota za tlô ta, Tertula ama tahpa dâhthaipa chhao a hlao ta. Pawla ama leihna cha râhvaotuhpa hmiakô liata reih ei ta.

HMOTAOPAZY 24:1 ပူးပေါင်းရင်းမြစ်များ

HLAZY 11:2

Moleipazy ta libaw a keipa ta, A ri liata ama châtai pataoh ha ei ta, Chyhsa dopa cha azo ta a palôh liata ka amâ chhuah.

ISAI 3:3

Pheisaih sypangawh hyutuhpazy nata chyhsa molaipazy, Ryhraotuhpazy nata moliethaipazy la ta, Peihthaipazy a la khai ha ei.

HMOTAOPAZY 12:21

Noh taipa noh ta, Herawda cha abei poh a bu ta, a beidyuchhai liata a tyuh ta, ama hnohta bie reih ta.

HMOTAOPAZY 21:27

Noh sari a tloh chy ta, Asia râh liata Zuzy ta Pawla cha Achhyna o liata hmô ei ta, zawpi zydua pasyupa ta Pawla cha patu ei ta.

HMOTAOPAZY 23:2

Theihthai beichaipa Anania ta Pawla kiapâh liata a duahpazy hnohta a pakah liata chabaih awpa ta biepie ta.

HMOTAOPAZY 23:24

Pawla kia awpa arâ pachhuahpanoh u la, râhvaotuhpa Felika lâ â bohpa ta tlôkhei mawh ei sy,” tah ta.

HMOTAOPAZY 23:30

Thie awpa ta amâ byhpa kyh ei pahno nahta, nâ lâ thlai ei cha vaw hlâ. A leihtuhpazy chhao, ama leihna cha na hmiakô liata rei awpa ta bie ei pie ei,” tah ta.

HMOTAOPAZY 23:33

Kaisaria ama tlô nahta, râhvaotuhpa hnohta châ pie ei ta, Pawla cha a hmiakô liata paduasa ei ta.

HMOTAOPAZY 23:35

a hnohta, “Châ leihtuhpazy ama vaw tlô tita na thâtih ei pachia aw,” tah ta. Chatanachata Pawla cha Herawda bei o liata vaih awpa ta biepie ta.

HMOTAOPAZY 24:11

Zerusale liata Khazohpa a chhy awpa ta ei khy tawhta, noh hrawh hleino khô mâh vei, tahpa na pahno thei aw.

HMOTAOPAZY 24:2

Pawla cha aw papua ei ta, Tertula ta ama leihna bie cha reih ta: “Felika zachhih chaipa, na zawhzi ta thlalôh ngaitapa ta y pi ta, na hmiasai phapa vâta, he phopi châta taopathinazy y ta,

HMOTAOPAZY 25:15

Zerusale liata ei y chhôh kha, theihthai beizy nata Zu machâzy ta ano leihna bie vaw reih ei ta, thailei pachâsa awpa ta amâ haw.

HMOTAOPAZY 25:2

Theihthai beizy nata Zu nôpawpazy ta Pawla ama leihna cha a hnohta tlôkhei ei ta.

1 KAWRINI 2:1

Unawh saih u, Khazohpa bienyupa cha chho awpa ei ta nâmo lâ ei vy no kha, bierei thai kawpa ta tlyma, so kawpa ta tlyma, a vypa châ va na.

1 KAWRINI 2:4

Ei biereipa nata ei biechhopazy kha, chyhsa sona hmâpa ta pahnie a chhuahpa biezy châ leipa ta, Thlahpa nata hmotaotheina palâsapa ta ei reih tyhpa a châ.