HMOTAOPAZY 23:6 - Mara Bible RV (BSI)

⁶ Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

HMOTAOPAZY 23:6 ပူးပေါင်းရင်းမြစ်များ

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MATHAI 22:23

Cha noh liata, thyuheihna y vei a tahpa Saduasizy ano lâ a vy ei ta,

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 22:30

A mylâ ta, Zuzy ta ama leihna chhâpa hmeiseihpa pahno a chhuahpa ta, pheisaih hyutuhpa ta Pawla chahryna cha pathlâ ta. Theihthai beizy nata ryureituhpa zydua a hmaoh awpa ta biepie ta. Pawla cha a zâ chhi ta, ama hmiakô liata paduasa ta.

HMOTAOPAZY 22:5

Theihthai beichaipa nata machâ zydua ta ei bie cha eina pahnokhei ei. Âmo tawhta Dâmaskâ liata ama chiheihzy lâta châ ama ropa a phaopa ta, Dâmaskâ liata Lâpi chyhsazy chahry ta, hrie awpa ta Zerusale lâ a vaw chhi awpa ta ei sie.

HMOTAOPAZY 23:1

Pawla ta ryureituhpazy cha a mo tawpâ ta, ama hnohta, “Unawh saih u, chhie nata pha pahnona hmâpa ta, tanoh taihta Khazohpa mohmô ta a phapa ta ei hroh lymâ,” tah ta.

HMOTAOPAZY 23:15

Chavâta a thâtih a sia viapa ta pachâ a chhuahpa hawhta nâmo nata ryureituhpazy ta reih u la, Pawla cha nâmo lâ a zâ chhi awpa ta, pheisaih hyutuhpa kaw chho teh u. A su a za tlôh hlâta thie awpa ta eimâ mâ thlâh haw,” tah ei ta.

HMOTAOPAZY 23:20

Ano ta, “Pawla thâtih a sia viapa ta pachâ khopa hawhta bie tao ta, mylâ ryureina liata ano cha a zâ chhi awpa ta, Zuzy ta cha hiah awpa amâ paraoh.

HMOTAOPAZY 23:7

Cha bie cha a rei khai nahta, Phârisaihzy nata Saduasizy likah liata aeichhiana vaw pua ta, ryureituhpazy cha a pachhaih ha ei ta.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 24:21

Ama hmiakô liata ei dua nota ei reipa bie, ‘Athihpa thyuheihna kyh liata tanoh he nama hmiakô liata a duahpa ei châ hih,’ ei tahpa bie hleikhô ta eina leihna awpa hropa ama pahno khiahta cha, reih mawh ei sy,” tah ta.

HMOTAOPAZY 28:20

Cha kyh vâna chata, nâmo châ hmô awpa nata bie cha reikhei awpa ta ei châ hawpa ei a châ, Izarei hnabeiseihpa vâta, he bâlia he a kypa châ tlôh na ta,” tah ta.

PHILIPI 3:5

Noh chariena noh ta chopawtaipa, Izarei phopi pathla, Benzami chi, Hebraizy hry liata Hebrai pachaipa ei châ. Ryhpa kyh liata Phârisaih châ na ta,

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

HEBRAI 6:19

Cha hnabeiseihna cha eima hro a-ina nata abohna châta eima balyh thuacha-ia ta hnei pi ta, pohraipa chhôhchaipa lâ a ngiatuhpa hnabeiseihna a châ.