HMOTAOPAZY 23:35 - Mara Bible RV (BSI)

³⁵ a hnohta, “Châ leihtuhpazy ama vaw tlô tita na thâtih ei pachia aw,” tah ta. Chatanachata Pawla cha Herawda bei o liata vaih awpa ta biepie ta.

HMOTAOPAZY 23:35 ပူးပေါင်းရင်းမြစ်များ

ZEREMIAH 38:13

Zeremiah cha khaohtlô tawhna chata chaorizy ta a daophi ei ta. Chatanachata Zeremiah cha vaituhpazy dôhpachhôh tlyhmia liata paysa ha ei ta.

MATHAI 2:1

Herawda â bei nota Zudia râh Bethlehe khih liata Zisu a vaw pi nahta, nochhi chyhsa sopazy Zerusale lâ a vy ei ta,

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 2:3

Cha bie cha Bei Herawda ta a thei nahta, ano nata Zerusale liata chyhsa zydua cha ama nôpo kaw ta.

MATHAI 27:27

Râhvaotuhpa pheisaihzy ta Zisu cha Pritôria lâ a chhi ei ta, pheisaih zydua a hmiakô liata awpakhy ei ta.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.

HMOTAOPAZY 23:30

Thie awpa ta amâ byhpa kyh ei pahno nahta, nâ lâ thlai ei cha vaw hlâ. A leihtuhpazy chhao, ama leihna cha na hmiakô liata rei awpa ta bie ei pie ei,” tah ta.

HMOTAOPAZY 24:1

Noh pangawh a khô tawhta, theihthai beichaipa Anania cha machâ thokhazy chhaota za tlô ta, Tertula ama tahpa dâhthaipa chhao a hlao ta. Pawla ama leihna cha râhvaotuhpa hmiakô liata reih ei ta.

HMOTAOPAZY 24:10

Bie reih awpa ta râhvaotuhpa ta ano lâ a ku a thliethlâpa a hmô na ta, Pawla ta a chhy ta, “Kô hluhpi chhôh, he phopi chô liata ryureituhpa na châpa ei pahnopa vâta, thathyu ngaitapa ta ei thaichâna bie ei reih aw.

HMOTAOPAZY 24:19

Cha liata Asia râh tawhta Zu chyhsazy y ei ta, eina leih nawpa ei ama hnei khiahta cha, âmo cha he liata ypa ta, na hmiakô liata eina leih awpa ei a châ.

HMOTAOPAZY 24:22

Felika cha Lâpi zyhna kyh a pahno kawpa vâta, “Pheisaih hyutuhpa Lysia â zu tita nama bie he ei pachâ aw,” tah ta, ama bie cha soh ha chy ta.

HMOTAOPAZY 24:23

Pheisaih za kha hyutuhpa hnohta Pawla cha patâhna o liata khô chy awpa ta biepie ta. Châhrasala khotalaina khazie rakha ma piepa ta, a viasazy ta ama deichhy awpa pakhâ lei awpa ta biepie ta.

HMOTAOPAZY 25:16

Kei ta ama hnohta, ‘Ama leihpa chyhsa ta a leihtuhpazy hmiakô liata a thaichâna bie hmiadaisâ ta a rei ha tua leipa ta thailei pachâsapa cha, Rawma taozie châ vei,’ tahpa ta ei chhy ei.