HMOTAOPAZY 23:12 - Mara Bible RV (BSI)

¹² Khih a dei nahta, Zuzy a paraoh ei ta, Pawla ama thie hlâlei cha khâpa hmah nie leipa nata doh lei awpa ta bie a taih ei ta.

HMOTAOPAZY 23:12 ပူးပေါင်းရင်းမြစ်များ

ÂTHAONA 37:18

A unawhzy ta Zawsi cha lâhlapi tawhta vaw hmô ei ta, ama kô chhao a tlô hlâta, thie awpa ta arulâta a paraoh chhielie ei ta.

1 ABEIZY 19:2

Zezebel ta Elaizâh lâ chyhsa tuah ta, a hnohta, “Kha hrohsopazy hrona na lapa hawhna kha ta, mylâ tahmâ daihti liata nâma hrona chhao ei la leipa khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

2 ABEIZY 6:31

Abei ta, “Saphâta sawchapawpa Elaisâh cha, tanoh a ngiatlâh liata a luh â bô thlâh ha chy khiahta cha, Khazohpa ta ei chô liata tao sala, cha hlâta tha viapa chhao ta tao mawh sy,” tah ta.

NEHEMIAH 10:29

ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

ESTHERI 2:22

Cha thâtih cha Môdekai ta pahno ta, Beinô Estheri chho ta. Estheri ta Môdekai moh ta abei chho pachhuah ta.

HLAZY 31:13

Chyhsa hluhpi bieparu thei na ta, Su to chichhihna ta a bie; A paraohpa ta na tei ei ta, Ei hrona la amâ chhuah.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

ZEREMIAH 44:25

Pheisaihzy Abeipa, Izarei Khazohpa ta hetana heta a tah: Nâmo nata nama lapinôzy ta, ‘Avâ beinô lâ ropahâhpazy raopa ta, ano lâ dopa hlânazy patlai awpa ta, avâ beinô liata eima bietaizy cha eima tao tlai aw,’ tahpa ta nama pakah ta reih ei chi ta, nama ku ta pi nama patlohsa haw. Nama bietaizy cha pa-i u la, nama bietaizy cha tao lâlao teh u.

THEIHTHAINA 27:29

Pahleipadia awpa ta hlâ hapa chyhsa cha chatlai awpa châ vei. Thie thlyu awpa a châ.

MATHAI 26:4

Zisu cha dôveipa ta patu ta, ama thie thei nawpa ta a pachia ei ta.

MATHAI 26:74

Pity ta, “Cha chyhsa cha pahno va na,” tahpa ta chhie a sa khâh ta. Cha khaipa nahta, awh khoh pâ ha ta.

MATHAI 27:25

Zawpi zydua ta, “A thisaih maoh cha keimo chô liata nata eima pathlazy chô liata y mawh sy!” tahpa ta a chhy ei ta.

HMOTAOPAZY 23:13

Cha hawhta arulâta Pawla tei a chhuahpazy cha sypalih hlâta ama hluh via.

HMOTAOPAZY 23:14

Theihthai beizy nata machâzy lâ vawh ei ta, “Pawla eima thie hlâlei cha khâpa hmah nie lei awpa ta â i ngaitapa ta bie eimâ taih haw.

HMOTAOPAZY 23:21

Châhrasala ama bie vaw zo khah y. Ama chyhsa sypalih hlâta hluh via ta amâ byh thlâh haw. Cha chyhsazy chata Pawla ama thie hlâlei cha khâpa hmah nie leipa nata doh lei awpa ta bie a taih ei ta, tahmâ he na paryhsana hâpa ta amâ chiehpa ta ama y thlâh haw,” tah ta.

HMOTAOPAZY 23:30

Thie awpa ta amâ byhpa kyh ei pahno nahta, nâ lâ thlai ei cha vaw hlâ. A leihtuhpazy chhao, ama leihna cha na hmiakô liata rei awpa ta bie ei pie ei,” tah ta.

HMOTAOPAZY 25:3

Pawla cha Zerusale lâ a vaw chhi awpa ta a khokheina a haw ei ta. Lâpi liata a byh ta, thie amâ chhuahpa vâta cha hawhta ama hiapa a châ.

HMOTAOPAZY 9:23

Noh hluhpi a khô tawhta, Sawla thie awpa ta Zuzy cha a chhohia ei ta.

HMOTAOPAZY 9:24

Châhrasala Sawla ta ama hmochhuahpa cha pahno ha ta. Thie awpa ta thokhy chhikao liata chhô nah zâ ta a byh ei ta.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

2 KAWRINI 11:26

Ei hluhpi ei khitlynazy liata, chavahzy liata chichhihna, hraotuhpazy liata chichhihna, ei chiheihzy liata chichhihna, Zenitaizy liata chichhihna, khihpi liata chichhihna, khitaw liata chichhihna, tilaipi liata chichhihna nata unawh pakheipazy liata chichhihnazy ei tyh tyh.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:15

Ahy rai châ sala, pahleipadia awpa hmo a hnohta hmôpa a châ khiahta cha, Abeipa biehrai parao ta, Izarei liata hmo pha lei ngaitapa a taopa vâta, cha chyhsa cha, a chhôhkha nata a hneipa zydua chhaota mei ta rao awpa a châ,” tah ta.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.