HMOTAOPAZY 21:20 - Mara Bible RV (BSI)

²⁰ Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

HMOTAOPAZY 21:20 ပူးပေါင်းရင်းမြစ်များ

HLAZY 22:23

Abeipa a chipazy saih u, ano cha reithai teh u! Zakaw pathla zydua saih u, ano palyupalih u la, Izarei pathla zydua saih u, ano cha chi teh u!

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

MATHAI 9:8

Zawpizy ta cha cha ama hmô nahta, chi ngaita ei ta, chyhsapazy hnohta cha hawhpa biehneina a pietuhpa Khazohpa cha reithai ei ta.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

ZAWHÂNA 12:24

Hmeiseihta ta, hmeiseihta ta ei cha chho ei, sâh hmô cha alei liata tla leipa sala, a thi leipa khiahta cha, ano dei ta y ta, a thi khiahta deikua cha, thei hluhpi a pathei tyh.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 15:1

Chyhsa thokha Zudia râh tawhta a zu ei ta, “Mawsi ryhpa hawhta chopaw namâ tai leipa khiahta la, pachhapa châ thei aw veih ei chi,” tahpa ta unawhzy pachu ei ta.

HMOTAOPAZY 15:24

“Eima hry liata chyhsa thokha ta keimo biepie leipa ta nâmo lâ a zu ei ta, ama bie reipa ta cha patypamâ ei ta, noraihpa ta ama cha paysapa thâtih eima vaw thei.

HMOTAOPAZY 15:5

Châhrasala Phârisaihzy py liata a ypa ngiapâtuhpa thokha ta a duah ei ta, “Zenitaizy cha ama chopaw tai thlyu awpa châ ta, Mawsi ryhpa zyh awpa ta biepie awpa a châ,” tah ei ta.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

HMOTAOPAZY 4:21

Hmonoâhpa a tlôpa vâta, chyhsa zydua ta Khazohpa reithai ei ta, zawpizy vâna chata hrie ngâh khao leipa ei ta, pachhipary via heih ei ta, ama pathlie haw.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

HMOTAOPAZY 6:7

Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

RAWMA 10:2

Khazohpa châta phahnai amâ ngiah tahpa ei pahnokhei ei. Châhrasala pahno pasia leipa ta phahnai a ngiahpa ama châ.

KALATIA 1:14

Zuzy zyhna kyh liata, ei chiheihzy hry liata ei richâhkha hluhpizy hlâta hmasie viapa châ na ta, nâ pathlatuhpazy taozietyhpa châta phahnai a ngiah ngaitapa ei châ.

KALATIA 1:24

Chatanachata keima vâta Khazohpa ama palyupalih thei haw.

2 THYSALAWNIKA 1:10

Cha pachiana cha, a mopathaihpazy hry liata palyupalih awpa nata ngiapâtuhpa zydua hry liata noâh tah awpa ta â vyna noh liata a y aw. Nâmo deikua cha eimâ duakheipa bie a ngiapâtuhpazy nama châ.