HMOTAOPAZY 20:7 - Mara Bible RV (BSI)

⁷ Hâta noh hmiatua chaipa liata, viahchhâ eichheih awpa ta eima y pakhy nota, Pawla cha a mylâ sie â chhuahpa vâta, zâcho taihta ama hnohta bie reih ta.

HMOTAOPAZY 20:7 ပူးပေါင်းရင်းမြစ်များ

NEHEMIAH 8:3

Ezrâ ta Ti Chhikao tlyhmia tlyliah liata ahmaohpakhypa chapawzy, chanôzy nata a pahno thaipazy lâ a heihpa ta, Ryhpa Châbu cha mydi kari tawhta nohchhô taih reih ta. Chyhsa zydua ta Ryhpa Châbu reina lâ cha ama nah pachôh ei ta.

NEHEMIAH 9:3

Ama su chyu liata a duah ei ta, Abeipa ama Khazohpa Ryhpa Châbu cha dawh thôh chhôh reih ei ta, dawh thôh hropa chhôh ama moleinazy reihpha cheipa ta Abeipa ama Khazohpa a chhy ei ta.

MÂKA 16:9

Hâta noh hmiatuapa mydi ta a thyuheih nota, a chhôh tawhta ahripa pasari a papuapa Mâri Mâdali hnohta a luah tua chai ta.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

LUKA 24:35

Âmo chhao ta, lâpi liata hmo a vaw tlôpa nata viahchhâ a pachhaih nota a hmia ama pahno hanazie zy chho hra ei ta.

ZAWHÂNA 20:1

Hâta noh hmiatua chaipa liata, Mâri Mâdali cha mydi khih a pavâ hlâta thlâ lâ vawh ta, alô cha thlâ tawhta â pasie hapa hmô ta.

ZAWHÂNA 20:19

Cha noh, hâta noh hmiatuapa zâlâ ta, Zuzy chipa vâta pachupazy yna ochhizy cha khaw ei ta. Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 20:26

Noh charie a châ tawhta, a pachupazy cha o chhôh liata y heih ei ta. Thawma chhao ama hnohta y hra ta. Ochhizy khaw hapa a châ tarawpa ta, Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

HMOTAOPAZY 16:10

Cha aluahna cha Pawla ta a hmô nahta, ama hnohta Thâtihpha chho awpa ta Khazohpa ta miah a aw tahpa pahno pi ta, chatanachata Mâsidônia râh lâ cha thlai sie a chhuah pi ta.

HMOTAOPAZY 2:42

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 20:11

Pawla cha ochô lâ kiah heih ta, viahchhâ cha eichheih ta, ama nie khai nahta, ama hnohta a pasipi bie reih via heih ta, khih vaw deih pâ ha ta, chatanachata sie ha ta.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

HMOTAOPAZY 20:5

Âmo cha hmia lâta sie ei ta, Tarôsa khih liata miah vaw hâ ei ta.

HMOTAOPAZY 20:9

Satlia pakha Utyku ama tahpa cha opy liata a tyuh ta. Pawla biereipa a pasi kawpa vâta, a mokupa ta tlauah pathlah ha ta, o chhâh thôhna tawhta tla ta, a thipa ta a huah ei ta.

HMOTAOPAZY 28:23

A noh taih ei ta, cha noh liata a tlôna o liata chyhsa hluhpi ta vaw pangai ei ta. My tawhta zâlâ taihta âmo cha chhopasia ta, Khazohpa khinarâh a châhkheipa ta, Mawsi ryhpa nata hrohsopazy châbu liata Zisu kyh reipa ta Zuzy cha pahnie a chhuah ta.

1 KAWRINI 10:16

Byhnâ tona nyu châta byhnâ eima aw tyhpa he, Krista thisaih a hlykheina châ vei mâ? Viahchhâ eima pachhaih tyhpa he, Krista pôhpa a hlykheina châ vei mâ?

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 16:2

Ei vy tita thyuna khei chhyhpa a châ lei nawpa ta, hâta noh hmiatuapa lia maihta, chyhsa to byhnâ nama topa lymâ hawhta thyuna sohpakhypa ta nama pachô lymâ aw.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,