HMOTAOPAZY 20:35 - Mara Bible RV (BSI)

³⁵ Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

HMOTAOPAZY 20:35 ပူးပေါင်းရင်းမြစ်များ

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

ISAI 32:8

Zachhihpa deikua cha, Zachhihpa hmozy pachhuahpanoh ta, Zachhihpa hmozy liata â duah tyh.

ISAI 35:3

Ku chiehleipazy cha thapatlô u la, Pakhu chalyupazy pa-i teh u.

MATHAI 10:8

Tlâhleipazy patlâh u la, athipazy pathyu u la, phawhpazy pathaisa u la, ahripazy papua teh u. A saipa ta hmô ei chi ta, a saipa ta pie teh u.

HMOTAOPAZY 20:20

Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

HMOTAOPAZY 20:34

He ei kuzy heta kei nata ei hnohta a ypazy a ngiahpa châta ei hria tyhpa nâmo tlai ta nama pahno.

HMOTAOPAZY 20:36

Cha biezy cha a rei khai nahta, a pakhu paneih ta, ama zydua châta thlahchhâ ta.

RAWMA 15:1

Keimo, thatlôpazy pi heta keimo alyna tlua leipa ta, chiehleipazy ama pachyu leina liata eima bao awpa a châ.

1 KAWRINI 9:12

Mohropazy hmahta chyh awpa ama châ hnaw khiahta cha, keimo chhochhi cha châ hnaw via pachai awpa châ ma pi ma? Châhrasala keimo la, cha tovyuh cha a hnaw ma pi. Krista thâtihpha eima pakhâpadie lei nawpa ta, riethei to tlao eima tao lylia.

2 KAWRINI 11:12

Eima hriapa hawhta a hria hrapa ta a reih ei ta, ama chakaona a palaikhei kawpazy bie ei pachhai thei nawpa ta, ei tao tyhpa hawhta ei tao lymâ aw.

2 KAWRINI 11:9

Nama hnohta y na ta, ei phahla nota ahy phaohri hmah châ beih va na. Mâsidônia râh tawhta a vypa unawhzy ta ei phahlanazy liata eina deichhy lymâ ei. Nama phao cha pahri lei awpa a chhuah na ta, cha hawhta ei tao lymâ aw.

2 KAWRINI 12:13

Khâpa kyh liata ma Awnanopa hropazy hlâta nama nawh via? Nama phao ei cha pahri leipa ei liata ma? Ei tao pado leipa khiahta cha, nâ ngiahthai teh u.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

1 THYSALAWNIKA 4:11

Eima cha chho hapa hawhta, a chalihpa ta hro a chhuah u la, nama rai chyu hriapa ta, nama ku tlai ta hria a chhuah teh u.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

3 ZAWHÂNA 1:7

Ano moh vâta a sie tyhpa châ ei ta, Zenitaizy tawhta khâpa hmah la veih ei.