HMOTAOPAZY 20:28 - Mara Bible RV (BSI)

²⁸ Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

HMOTAOPAZY 20:28 ပူးပေါင်းရင်းမြစ်များ

HLAZY 74:2

Na phopi he a thei mah y; Hlâno tawhta na chaleipazy châ pi ta, Na ryuto chipho châ awpa ta na chatlaipazy eima châ! Na pahrâ tyhna Zaio Tlâh chhao a thei mah y.

BIESOZY 10:21

Mosiapa hmao ta chyhsa hluhpi pasa ta, Ahrupa deikua cha pahnona a phahlapa ta a thi tyh.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 13:20

“Mohmia pasaih u la, Maw lâ tawhta â vypazy hao moh tua u. Na hnohta piepa mietaku zaw kha, Khataih liata a y haw? Na mietaku zaw khochhihpa kha, Khataih liata a y haw?

ZEREMIAH 3:15

“Keima palôh a phaohpa mietaku vaituhpazy cha pie aw ei na ta, âmo ta pahnona nata novâhnazy ta ama cha chhihtha aw.

ZEREMIAH 31:10

“Hy phopizy saih u, Abeipa bie thei u la, Tilaipi kiah râh hlapazy liata phuah teh u; ‘Izarei a papaituhpa ta, Izarei cha pakhy heih aw ta; Mietaku vaituhpa ta a mietaku zaw a vaipa hawhta, Izarei cha a vaih heih aw,’ tah teh u.

EZEKIA 34:3

A thawhpazy tlao nie ei chi ta, mietaku hmi ta namâ tobi. Mietaku thawhpazy thie ei chi ta, châhrasala mietakuzy pasa veih ei chi.

EZEKIA 34:31

Nâmo cha ei sibiepa su liata ei mietakuzy nama châ. Chyhsapazy he ei mietakuzy cha châ ei chi ta, kei he nama Khazohpa ei châ, Abeipa Zehôvâh ta a tah.”

MIKÂ 5:4

Ano cha a duah aw ta, Abeipa thatlôna ta a mietaku zaw a vaih aw; Abeipa a Khazohpa moh rônahna ta A mietaku zaw cha a vaih aw ei. Â bohpa ta y aw ei ta, A rônahna cha, Khizaw kaokih chhâna taihta a tlô aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

ZEKARIA 11:4

Abeipa ei Khazohpa ta hetana heta a tah: “Thie awpa ta raopa sahroh zaw cha mohôh teh.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

MATHAI 2:6

“‘Nâ, Bethlehe, Zudâh râh liatapa, Zudâh ryureituhpazy hry liata chyh chai cheita aw va chi; Ei phopi Izarei vaih awpa ta, Na chhôh tawhta ryureituhpa a vaw pua awpa vâta,’ tahpa ta a vaw roh,” tah ei ta.

MÂKA 13:9

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

HMOTAOPAZY 13:2

Abeipa a chhypa ta kâhvileipa ta ama y hai nota, Thlahpa Pathaihpa ta, “Bânabâ nata Sawla kha âmo ei awna chhâpa rai hria awpa ta na pananopa teh u,” tah ta.

HMOTAOPAZY 14:23

Awnanopa hlao to liata machâzy raopa ei ta, kâhvileipa ta thlahchhâpa ta, amâ ngiapâpa Abeipa liata ama pavaosa lymâ.

HMOTAOPAZY 20:17

Miletâ tawhta Ephesi lâ chyhsa tuah ta, Awnanopa machâzy ano a vaw hmô awpa ta kei paawsa ta.

HMOTAOPAZY 20:29

Ei sie tawhta changie a hrâhpazy nama hry liata a vaw ngia aw ei ta, mietakuzy pahlôh aw vei tahpa ei pahno.

RAWMA 16:16

Apahnâna pathaihpa ta a naoh raihrie tyh muh vy. Krista Awnanopa zydua ta ama châ naoh.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 10:32

Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

1 KAWRINI 11:22

Khazia! Niedo nawpa o hnei veih ei chi ma? Khazia Khazohpa Awnanopa mohnaopa ta, khâpa hmah hnei leipazy maoh nama paphyuhsa? Nama hnohta khâpa ei reih aw? Ei cha reithai aw ei mâ? Cha reithai tiarâh veih ei na.

1 KAWRINI 15:9

Kei la lyuhchâpazy hry liata chyh chaipa châ na ta, Khazohpa Awnanopa ei taolapa vâta, lyuhchâpa ta bi tlâh chhao châ va na.

1 KAWRINI 6:20

mâ ta chaleipa nama châ haw. Chavâta Khazohpa cha nama pôhpa liata palyupalih teh u.

KALATIA 1:13

Zuzy zyhna liata ei y nota ei hrozie nama pahno. Thachahra ta Khazohpa Awnanopa taola na ta, parao ei chhuah.

EPHESI 1:14

Ano cha Khazohpa rônahna reithai nawpa ta, Khazohpa ta a ryutozy a chatlai hlâ chhao ta, cha ryuto cha eima hmô tlai aw tahpa pa-ina sôhkâ a châ.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 4:11

Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

PHILIPI 1:1

Pawla nata Timawthy, Krista Zisu chakaotuhpazy ta Philipi khih liata a ypa Krista Zisu liata mopathaihpazy, Awnanopa chhituhpazy nata chakaotuhpazy eima châ naoh.

KAOLAOSÂ 1:14

Ano liana chata chatlaina, moleinazy ngiahthaina eima hnei.

KAOLAOSÂ 4:17

Akhipâ kha, “Abeipa liata chakaona na hmôpa kha patlô a chhuah mah y,” tahpa ta vaw chho muh vy.

1 TIMAWTHY 3:1

Ahy rai Awnanopa chhituhpa châ awpa a khoh khiahta cha, raihria phapa a khoh, tahpa cha bie ngâ tlâhpa a châ.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

1 TIMAWTHY 3:5

Ano chhôhkha khihsatôhtuna hmahta a phapa ta a mohôh thei vei khiahta cha, kheihta ma Khazohpa Awnanopa cha a mohôh thei aw?

1 TIMAWTHY 4:14

Hmopiepa na hneipa kha uasa leipa ta y khah y. Kha hmopiepa kha, hrohsona bie hawhta, machâzy ta na chô liata ama ku ama pahnieh nota piepa na châ.

1 TIMAWTHY 4:16

Na hro nata na pachuna biezy a phapa ta vaih mah y. Cha hawhta na tao khiahta cha, nâ nata na bie a theituhpazy na pachha aw ei.

1 TIMAWTHY 5:17

Awnanopa chhituh phapa, a eih pachaipa ta biechhona nata pachuna liata hriapasapazy cha, a lie no ta palyupalih tlâh ama châ.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

1 PITY 2:25

Mietakuzy hawhta lâpi pavia ei chi ta, tahmâ deikua cha nama thlahpa Chhituhpa nata Mietaku Vaituhpa lâ nama kua ha hih.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.