HMOTAOPAZY 20:21 - Mara Bible RV (BSI)

²¹ Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 20:21 ပူးပေါင်းရင်းမြစ်များ

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 4:17

Cha daihti tawhta Zisu ta, “Ro teh u, vârâh khinarâh cha â hnia haw,” tahpa ta pachu pathao ta.

MÂKA 1:15

ama hnohta, “A daihti a ki ha ta, Khazohpa khinarâh â hnia haw. Ro u la, thâtihpha a ngiapâ teh u,” tah ta.

MÂKA 6:12

Chatanachata sie ei ta, ro awpa ta chyhsazy chho laih lymâ ei ta.

LUKA 13:3

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw.

LUKA 13:5

Châ bao va, ei cha chho ei, nâmo chhao nama ro vei khiahta cha, cha hawhta nama leidia khai aw,” tah ta.

LUKA 15:10

Ei cha chho ei, cha hawhna hra chata, Khazohpa vâlyuhchâpazy hmiakô liata cha, molei ropa pakha chô liata alyna a y tyh?” tah ta.

LUKA 15:7

Ei cha chho ei, cha hawhna hra chata vârâh liata cha, ro awpa a hnei leipa chyhsa siapa sychaki nata pachaki chô liata alyna hlâta, molei ropa pakha chô liata alyna a hluh via aw.

LUKA 16:28

Unawh papangawh hnei na ta, he su lâ amâ vy pathlei hra lei nawpa ta, zikyu a kei râ awpa ta tuah mah y,’ tah ta.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

HMOTAOPAZY 10:43

Hrohsopa zydua chhao ta, ahy rai ano a ngiapâpa maih cha, ano moh ta moleinazy a ngiahthaipa ama châ aw, tahpa ta ama vaw pahnokhei chhieliepa kha a châ,” tah ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 16:31

Âmo ta, “Abeipa Zisu a ngiapâ la, pachhapa ta na y aw, nâ nata na chhôhkhazy chhaota,” tah ei ta.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

HMOTAOPAZY 19:17

Ephesi liata a ypa zydua, Zuzy nata Krikâhzy hnohta, cha bie cha pathâh ta. Ama zydua ta chi ngaita ei ta, Abeipa Zisu moh cha parônahsapa ta y ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 2:40

Bie hropa hluhpi ta Zisu cha a châhkhei lymâpa ta zawpizy cha pasyu ta, ama hnohta, “He chhâ moleipa tawhna heta a pabohsa teh u,” tah ta.

HMOTAOPAZY 20:23

Khihpi to liata patâhna nata rietheitaonazy ta eina hâ thlâh hapa kyh Thlahpa Pathaihpa ta eina chhopa deita ei pahno.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 24:24

Noh khazie tlyma a khô tawhta, Felika cha a lapinô Drusilâ, Zu zuah a vaw chhipa ta vaw tlô ta, Pawla cha paawsa ta, Krista Zisu ngiapâna kyh pareisa ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

HMOTAOPAZY 28:23

A noh taih ei ta, cha noh liata a tlôna o liata chyhsa hluhpi ta vaw pangai ei ta. My tawhta zâlâ taihta âmo cha chhopasia ta, Khazohpa khinarâh a châhkheipa ta, Mawsi ryhpa nata hrohsopazy châbu liata Zisu kyh reipa ta Zuzy cha pahnie a chhuah ta.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

HMOTAOPAZY 8:25

Pity nata Zawhâna cha Abeipa bie a châhkhei ei ta, ama chho khai nahta, Samâri râh khih hluhpi liata thâtihpha chho lymâna chôta, Zerusale lâ a lie ha ei ta.

RAWMA 1:14

Krikâh mo nata mohropazy, asopa nata ahrupazy liata a bâhpa ei hnei.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 10:9

Na pakah ta, “Zisu cha Abeipa a châ” tahpa ta a châhkhei la, athihpa hry tawhta Khazohpa ta a pathyu tahpa na palôh ta nâ ngiapâ khiahta cha, pachhapa ta na y aw.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

RAWMA 4:24

keimo châta chhao a châ. Athihpa hry tawhta eima Beipa Zisu a pathyutuhpa cha eimâ ngiapâ khiahta cha, keimo chhao mosiapa ta raopa eima châ hra aw.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

1 KAWRINI 1:22

Zuzy ta ngiana a hnaw ei ta, Krikâhzy ta sona ama tlua tyh.

2 KAWRINI 7:10

Khazohpa liata pachârôhna cha, pachha châ nawpa ta rona tlôkhei ta, angiapachhina y vei. Khizaw pachârôhna deikua cha, thina a tlôkhei tyh.

KALATIA 2:16

Chatahrasala ryhpa hmotaopazy vâta chyhsa cha thaichâpa ta y leipa ta, Zisu Krista ngiapâna vâ deita ta thaichâpa ta a y, tahpa eima pahno. Chavâta keimo chhao, ryhpa hmotaopazy vâta châ leipa ta, Krista Zisu ngiapâna vâta thaichâpa ta eima y thei nawpa ta, Krista cha eimâ ngiapâ. Ryhpa hmotaopazy vâta ahy hmah thaichâpa ta y thei veih ei.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 3:22

Châhrasala Khazohpa bietai cha, Zisu Krista ngiapâna vâta, ngiapâtuhpazy hnohta piepa a châ thei nawpa ta, khizaw zydua he moleina liata a tâhpa a châzie Biehrai ta a phuah.

EPHESI 1:15

Cha vâna chata, Abeipa Zisu liata namâ ngiapâna nata mopathaihpa zydua chô liata nama kyhpachâna zy ei vaw thei nahta,

KAOLAOSÂ 2:5

Nama hnohta ei pôhpa ta y vei hraw sah la, thlahpa ta nama hnohta y tyh na ta, namâ mohôhna siazie nata Krista ngiapâna liata namâ izie zy ei hmôpa ta eina palysa ngaita.

PHILEMAW 1:5

Abeipa Zisu nâ ngiapâna nata mopathaihpa zydua kyh na pachâzie zy vaw thei na ta,

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

1 ZAWHÂNA 5:5

Zisu he Khazohpa Sawchapawpa a châ tahpa a ngiapâtuhpa dei leipa ta cha, ahy ma khizaw a tiah thei tly?