HMOTAOPAZY 20:20 - Mara Bible RV (BSI)

²⁰ Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

HMOTAOPAZY 20:20 ပူးပေါင်းရင်းမြစ်များ

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

ZEREMIAH 42:4

Hrohsopa Zeremiah ta ama hnohta, “Nama biereipa cha ei thei na. Moh teh u, nama bie hawhta Abeipa nama Khazohpa lâ cha thlahchhâ aw na ta, Abeipa ta a châ chhypa hawh ei ta ei cha chho aw ei. Khâpa hmah cha phih aw veih ei na,” tah ta.

MÂKA 4:34

Pakhona bie hmâ leipa ta ama hnohta reih beih vei. A pachupazy hnohta deikua cha, arulâta ato a chhopasia tyh ei.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

HMOTAOPAZY 5:2

A lapinô pahnopa ta râh zuana ty cha phih bâ ha ta, a laibâhpa vaw cheih ta, lyuhchâpazy phei thaby liata vaw soh ta.

HMOTAOPAZY 5:42

Noh chareih Achhyna o liata nata o to tlypa ta, Zisu cha Mesia a châ tahpa bâh leipa ta pachu ei ta, ama chho lymâ.

1 KAWRINI 12:7

Thlahpa hmopiepazy cha zawpi pha nawpa ta chyhsa to hnohta piepa a châ.

1 KAWRINI 14:6

Tahmâ he unawh saih u, reihtheileipa ta bie reipa ta nama hnohta a vy aw sah la, aluahna tlyma, pahnona tlyma, biechhona tlyma, pachuna bie tlyma, nama hnohta reih tlôh leipa aw sah la, kheihta eina phahnaikhei thei aw ei chi?

1 KAWRINI 15:3

Hezy he bie peimawh chaipa ei daopa nâmo ei cha chho pachhuahpa ei kha a châ: Biehrai bie hawhta Krista cha eima moleina vâta thi ta,

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

PHILIPI 3:1

Achhâna ta cha, unawh saih u, Abeipa liata a ly teh u. Bie hmopa nama hnohta ro chaneipa he, namâ boh nawpa a châpa vâta, kei châta noaichhihpa châ vei.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.