HMOTAOPAZY 20:19 - Mara Bible RV (BSI)

¹⁹ Areisina chôta Abeipa chakao na ta, Zuzy ta eina teipa vâ ei ta mothlih chhaota nata rietheina chôta ei chakao tyh.

HMOTAOPAZY 20:19 ပူးပေါင်းရင်းမြစ်များ

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

LUKA 19:41

Zerusale a kei hnia ta, khihpi cha a hmô nahta, chakhei ta,

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

HMOTAOPAZY 17:13

Thysalawnika liata Zuzy ta Pawla cha Beria lia chhao ta Khazohpa bie a chho tahpa ama thei nahta, cha lâ chhao cha vawh ei ta, zawpizy hnapaona bie reipa ta pasyu ei ta.

HMOTAOPAZY 17:5

Zuzy deikua cha ama hiatlia ta, sôhdaohna su liata moleipa thathipazy pakhy ei ta, zawpi pahmaohpa ta khihpi zydua patypamâ ei ta. Lyuhchâpazy cha zawpi lâ a chhi a chhuahpa ta, Zasaw o liata a ngiahnao ei ta.

HMOTAOPAZY 20:3

Cha liata thla thôh a y tawhta Suria râh lâ balyh ta sie a chhuah ta, châhrasala Zuzy ta thie amâ chhuahpa vâta Mâsidônia râh lâ kua awpa ta tlao a chhuah ha ta.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

HMOTAOPAZY 21:27

Noh sari a tloh chy ta, Asia râh liata Zuzy ta Pawla cha Achhyna o liata hmô ei ta, zawpi zydua pasyupa ta Pawla cha patu ei ta.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 12:11

Phahnai angiahna kyh liata daopathla leipa u la, palôh thathyu ngaitapa ta Abeipa chakao muh vy.

2 KAWRINI 2:4

Thlazoh ngaitapa nata palôh rietheipa nata mothlih hluhpi tlana chôta nama hnohta ei vaw ropa a châ. Nama palôh pasasa nawpa châ leipa ta, nama kyh ei cha pachâ ngaitanazie nama pahno thei nawpa ta ei ropa a châ.

2 KAWRINI 3:5

Keimo liata tlohna hnei leipa pi ta, keimo tawhta a puapa rei awpa khâpa hmah hnei ma pi. Eima tlohna cha Khazohpa tawhta a châ.

2 KAWRINI 7:5

Mâsidônia râh eima vaw tlô nota, eima pôhpa a pahâ beih leipa ta, su to liata riethei pataosapa ta eima y. Khôtho lâta miah a dyuh ei ta, chhôh lâta china ta miah a khu.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

EPHESI 6:7

Chyhsa chakaopa châ leipa ta, Abeipa chakaopa hawhta pachâpa ta, palôh hmeiseihpa ta chakao muh vy.

PHILIPI 3:18

Chyhsa hluhpi cha Krista kraws khakhaipazy ama châ tahpa ei cha chho tyhpa ei kha, tahmâ chhao mothlih chhaota ei cha chho heih ei.

KAOLAOSÂ 3:24

Nama lymâ châta Abeipa tawhta ryuto a hmô awpa nama châpa pahnopa ta, Abeipa Krista a chakaopa nama châ.

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

2 TIMAWTHY 1:4

Na mothlihzy kha a thei thlâh ha na ta, alyna ta biepa ta ei y thei nawpa ta, cha hmô awpa ei khoh ngaita.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.

1 PITY 1:6

Cha hnabeiseihna liata thata a ly ei chi ta, pasiana to ta tahmâ buakha chhôh pachârôhpa ta nama y chy.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.