HMOTAOPAZY 2:9 - Mara Bible RV (BSI)

⁹ Pâthia mozy, Media mozy, Elâmi mozy, Mesôpôtamia râh liata a ypazy, Zudia râh liata a ypazy, Kâpadôkia râh liata a ypazy, Pawntu râh liata a ypazy, Asia râh liata a ypazy,

HMOTAOPAZY 2:9 ပူးပေါင်းရင်းမြစ်များ

ÂTHAONA 10:22

Semâ sawchapawzy cha Elâmi, Asuria, Apasâ, Ludi nata Aramia zy châ ei ta,

ÂTHAONA 14:1

Sinâ bei Amrâphe, Elâsâ bei Ariôka, Elâmi bei Kedaolaome nata Kôimâ bei Tidâ zy amâ beina daihti liata,

ÂTHAONA 24:10

Chakaotuhpa cha a zibeipa râraoseihpa pô hrawh a chhipa ta a thao ta. A zibeipa hmo phapa chi to phaoh ta, thyu ta Mesôpôtamia râh liata Nâhaw khih lâ sie ta.

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

1 THÂTIHZYRONA 19:6

Amawna mo ta Dâvi châta roh chhiepa ama châ haw tahpa amâ pahno nahta, Hânu nata Amawna mo ta talailih nata arâ pheisaihzy a hlâ nawpa ta Mesôpôtamia, Aramiamâkâ nata Zôbâ râhzy lâ tâkâ talent 1,000 paphao ei ta.

EZRÂ 6:2

Media râh liata Ekabâtanâ khihpi liata abei o liata châchatypa, a chhôh liata he hawhta ropa hmô ei ta:

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

DÂNIAH 5:28

UPHARSIN, na khinarâh cha pachhaihpa châ ta, Media mo nata Persia mozy hnohta piepa a châ haw,” tah ta.

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.

DÂNIAH 8:20

Mietaku tôhpa ki miano a hneipa na hmôpa kha Media nata Persia beizy ama châ.

HMOTAOPAZY 16:6

Thlahpa Pathaihpa ta Asia râh liata bie chho awpa a pakhâ hapa vâta, Pharuzia nata Kalatia râhzy chahry ei ta.

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 19:10

Cha hawhna chata kô no chhôh tao ta, chatanachata Asia râh liata a ypa Zuzy nata Krikâh zydua ta Abeipa bie thei ei ta.

HMOTAOPAZY 19:27

Eima rai a chhâ aw tahpa chi â chhihpa dei châ leipa ta, khazohnô rônah ngaitapa Artemi achhyna o chhao he a vaw nawraih ha aw. Asia nata khizaw zydua ta amâ chhypa khazohnô he, a rônahna thypa a châ pathlei aw tahpa chhao chi â chhih ngaita,” tah ta.

HMOTAOPAZY 19:31

Asia râh hyutuhpazy hry liata thokha cha Pawla viasazy châ ei ta, âmo chata Pawla lâ chyhsa tuah ei ta, ahmaohna o liata a ngia raruah lei awpa ta a haw ei ta.

HMOTAOPAZY 2:8

Kheihtazieta eima zydua ta eima pikheipa reih hawhta eima thei khai thlâh haw?

HMOTAOPAZY 20:16

 thei khiahta cha Zerusale liata Pentikaws noh hmâ awpa ta a sie para khohpa vâta, Pawla cha Asia râh liata bohpi y awpa khoh leipa ta, Ephesi khih cha balyh ta siepakhô a chhuah ta.

HMOTAOPAZY 20:18

Ama vaw tlô nahta, ama hnohta, “Asia râh ei tly tua noh tawhta nama hnohta ei y chhôh zydua ta ei hrozie kha nama pahno.

HMOTAOPAZY 20:4

Beria khihpa Pyhu sawchapawpa Sôpate, Thysalawnika khihpa Kristaku nata Sekudu, Derbe khihpa Kaiâ, Timawthy, Asia chyhsa Tykiku nata Tarôphimâ zy ta zi ei ta.

HMOTAOPAZY 21:27

Noh sari a tloh chy ta, Asia râh liata Zuzy ta Pawla cha Achhyna o liata hmô ei ta, zawpi zydua pasyupa ta Pawla cha patu ei ta.

HMOTAOPAZY 24:18

Cha hmozy ei tao hai nota, Achhyna o chhôh liata pathaihpa ta na hmô ei ta, zawpizy y leipa ei ta, atymâna chhao y vei.

HMOTAOPAZY 27:2

Asia râh tilaipi ngiahkâ liata a ypa khihzy chapiapa ta a sie awpa Adarâmatia balyh kiapa ta tilaipi liata sie pi ta. Mâsidônia chyhsa, Thysalawnika khihpa Aristaku chhao eima hnohta vaw sie hra ta.

HMOTAOPAZY 6:9

Sei Puapa sahlao pakhyna o ama tahpa tawhta chyhsa thokha, Kurini, Alezandria, Silisia nata Asia râhzy tawhta Zu chyhsazy vaw thyu ei ta, Stiphana bie cha vaw chakhia ei ta.

HMOTAOPAZY 7:2

Stiphana ta, “Unawhzy nata pawzy saih u, na nathlie teh u. Miah pathlatuhpa Abarahâ kha Harânâ khih liata a y hlâ, Mesôpôtamia râh liata a y nona khata, rônahna Khazohpa ano lâ a vaw luah ta,

RAWMA 16:5

Ama o liata Awnanopa a pakhypazy chhao kha nâ naohpa muh vy. Ei kho ngaitapa Epenetâ, Asia râh liata Krista a ngiapâ tua chaipa chhao kha nâ naohpa muh vy.

1 KAWRINI 16:19

Asia râh Awnanopazy ta ama châ naoh. Akuilâ nata Priskilâ nata ama o liata Awnanopa a pakhypazy ta Abeipa liata palôh hmeiseihpa ta ama châ naoh.

2 KAWRINI 1:8

Unawh saih u, Asia râh liata pasa eima taopa kyh kha nama pahno lei awpa khoh ma pi. Eima tao thei awpa hlâta a hri viapa ta miah vi ta, hro awpa chhao a ngâ khao ma pi.

RYHPACHANEINA 23:4

Izi râh tawhta nama kaw pua nota, viahchhâ nata ti ta ama cha dy leipa vâta nata chhie cha sapa awpa ta Mesôpôtamia râh Pethô khih liata Beô sawchapawpa Bâlâma ama hruapa vâta, Abeipa pakhypi liata amâ hlao awpa châ vei.

2 TIMAWTHY 1:15

Asia râh liata a ypa zydua ta einâ heihsai ha ei tahpa pahno chi ta, ama hry liata Phukelâ nata Hamôkene zy amâ hlao hra.

1 PITY 1:1

Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

RYUREITUHPAZY 3:8

Chavâta Izarei chô liata Abeipa a pathi ia ta, Izarei sawzy cha Mesôpôtamia bei Kusarisathai lâ a zuah ha ei. Izarei sawzy cha Kusarisathai ry liata kô charie y ei ta.