HMOTAOPAZY 2:47 - Mara Bible RV (BSI)

⁴⁷ Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

HMOTAOPAZY 2:47 ပူးပေါင်းရင်းမြစ်များ

LUKA 19:48

Châhrasala zawpi zydua ta phahnai khoh ngaitapa ta a bie ama nathlie lymâpa vâta, khâpa hmah tao thei veih ei.

LUKA 2:52

Zisu cha laiseih ta, so via rili ta, Khazohpa nata chyhsapa modypa ta y ta.

HMOTAOPAZY 11:21

Abeipa ku ta âmo cha a châhkhei ta, chyhsa hluhpi ta a ngiapâ ei ta, Abeipa lâ a heih ei ta.

HMOTAOPAZY 11:24

Bânabâ cha chyhsa phapa châ ta, Thlahpa Pathaihpa nata ngiapâna ta a biepa a châ. Chatanachata chyhsa hluhpi Abeipa lâ baichhapa châ ei ta.

HMOTAOPAZY 13:48

Cha biezy cha Zenitaizy ta ama thei nahta, a ly ngaita ei ta, Khazohpa bie cha parônahsa ei ta; chhâzaw hrona hnei awpa ta raopa hluhpizy cha a ngiapâ ha ei ta.

HMOTAOPAZY 14:1

Ikônia khih liata Zuzy pakhyna o liata ama pano ta a ngia ei ta, bie reih ei ta, Zu nata Krikâh chyhsa hluhpi ta a ngiapâ ei ta.

HMOTAOPAZY 14:21

Derbe khihpi liata thâtihpha chho ei ta, pachupa hluhpi ama tao tawhta, Lystâ, Ikônia nata Antiôkâ lâ a lie ei ta.

HMOTAOPAZY 16:5

Chatanachata Awnanopazy cha ngiapâna liata thapatlôpa ta y ei ta, noh charei ta pôh via lymâ ei ta.

HMOTAOPAZY 17:12

Chavâta chyhsa hluhpi ta a ngiapâ ei ta, Krikâh chanô zachhihpazy nata chapawzy chhao ta amâ ngiapâ ha hra.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 4:21

Hmonoâhpa a tlôpa vâta, chyhsa zydua ta Khazohpa reithai ei ta, zawpizy vâna chata hrie ngâh khao leipa ei ta, pachhipary via heih ei ta, ama pathlie haw.

HMOTAOPAZY 4:33

Lyuhchâpazy ta hmotaotheina thata hneipa ta, Abeipa Zisu thyuheihna kyh a châhkhei lymâ ei ta, ama zydua chô liata ngiachhiena thata y ta.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

HMOTAOPAZY 6:1

Cha nohzy liata, pachupazy ama pôh via lymâ nahta, noh chareih ama hmo raipa liata ama nôhmeizy ama pachâ tyh leipa vâta, Krikâh Zuzy cha Hebraizy chô liata paphôh ei ta.

HMOTAOPAZY 6:7

Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

HMOTAOPAZY 9:35

Lydâ mo nata Saraw mo zydua ta Ainia cha hmô ei ta, Abeipa lâ a heih ha ei ta.

RAWMA 14:18

Cha hawhta Krista chakaotuhpazy cha, Khazohpa ta a pyh ta, chyhsa reithaina chhao ama hlao tyh.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

RAWMA 9:27

Isai chhao ta Izarei kyh liata, “Izarei sawzy cha tilaipi sadi zie ta hluh hra ei sala, laibâhpa deita pachhapa ama châ aw.

1 KAWRINI 1:18

Kraws bie cha leidia haipazy châta hruna châ ta, keimo, pachha haipazy châta deikua cha, Khazohpa hmotaotheina a châ.