HMOTAOPAZY 2:3 - Mara Bible RV (BSI)

³ Meipaleih hawhta paleihzy a pachhaih pazâhpa ta ama hnohta a vaw luah ta, ama zydua chô liata a choh ta.

HMOTAOPAZY 2:3 ပူးပေါင်းရင်းမြစ်များ

ÂTHAONA 11:6

Abeipa ta, “Moh teh u, chyhsazy cha phopi miakha châ ei ta, ama zydua ta reih miakha a cheihpa ama châ hih. Cha cha tao amâ chhuahpa â thaona deita a châ. Cha hawhta a châ khiahta cha, tao amâ chhuahpa maih ama tao thei lei awpa y khao aw vei.

HLAZY 55:9

Hy Abeipa, khihpi liata atudaina nata ahryuna zy hmô na ta; Âmo cha pahleipadia la, Ama paleih hriechheih khai ha mah y.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

MATHAI 3:11

“Kei ta rona châta ti ta cha bâti ei na ta, ei hnôhlâ ta a vy awpa deikua cha, keima hlâta rônah viapa châ ta, kei la a pheiky chaba tlâh chhao châ va na. Ano ta Thlahpa Pathaihpa nata mei ta a cha bâti aw ei.

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

LUKA 24:32

“Lâpi liata bie miah a chho ta, Biehrai biezy miah a chhopasia nona kha, eima pathipalôh a kâ ngâ kaw tlai vei ma kha?” tah ei ta.

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

HMOTAOPAZY 2:11

Zu chyhsa nata Zu phohlypazy a pahlao pi ta, Krite mozy nata Arabia mozy chhao y hra ei ta, kheihtazie ta Khazohpa hmotao rônahpazy ama reipa eima reih chyu ta eima thei khai thlâh haw?” tah ei ta.

HMOTAOPAZY 2:2

Eikhapi ta vârâh tawhta thlihpipa pathlipa pyu hawhta za tlô ta, cha chata amâ tyuna o cha pabie khai ha ta.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

1 KAWRINI 12:10

Thokha hnohta hmonoâhpa tao theina piepa châ ta, ahropa hnohta hrohsona bie phuah theina piepa a châ. Chyhsa hropa hnohta thlahpa nanopazy pahrua thaina piepa châ ta, mohropa hnohta reihtheileipa ta bie rei theina piepa châ ta, ahropa hnohta reihtheileipa chhopasia theina piepa a châ.

ZÂMIE 3:6

Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.