HMOTAOPAZY 2:23 - Mara Bible RV (BSI)

²³ Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 2:23 ပူးပေါင်းရင်းမြစ်များ

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

ISAI 37:26

“Cha hmozy cha, Khahlâ tawhta ei vaw rao hapa a châzie Thei beih va chi ma? Thokhy khihpizy cha, Raona apachona khihpizy lâta na tao awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

MATHAI 20:19

Pasipasawh awpa nata chhei awpa nata khaipâ awpa ta Zenitaizy ku liata hlâpa châ aw ta, a noh thôhna noh ta pathyupa ta a y aw,” tah ta.

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

MATHAI 27:35

Ama khaipâ khai nahta, nuby a daopa ta a chysiazy a rai ei ta.

MÂKA 15:24

Chatawhcha khaipâ ei ta, a chysiazy a rai ei ta, nuby a daopa ta ama to awpa chyu a la ei ta.

LUKA 22:22

Chyhsa Sawchapawpa he rao chhieliepa hawhta a sie aw, châhrasala a patusatuhpa chyhsa cha a hu a po kaw dia!” tah ta.

LUKA 22:37

Ei cha chho ei, ‘Ano cha moleipa hry liata rei pâpa a châ,’ tahpa ropa hawhna khata, ei chô liata a vaw tlô tlai awpa a châ. Ei thâtih ama ropa kha a tlô paki haw,” tah ta.

LUKA 23:33

Luh Ru Su ama tahpa Kalvari tlâh ama tlô nahta, kraws liata khaipâ ei ta. Moleipazy chhao, a chachâh lâta pakha, a chavei lâta pakha khaipâ hra ei ta.

LUKA 24:20

Eima theihthai beizy nata ryureituhpazy ta ano cha thailei pachâsa ei ta, thie awpa ta a chhi ei ta, ama khaipâna kyhzy kha na eima rei.

ZAWHÂNA 19:18

Cha liata khaipâ ei ta, chyhsa hropa pano chhao, a kâ chavei chachâh ta khaipâ hra ei ta. Zisu cha a liah liata y ta.

ZAWHÂNA 19:24

Chavâta, “Hrie khah ei suh u, ahy ma a to aw tahpa nuby tlao a dao ei suh u,” tah ei ta. Biehrai ta, “Ei chysiazy a rai ei ta, Ei viahkao châta nuby amâ dao,” a tahpa kha a â ki thei nawpa ta, he hmo he a vaw tlôpa a châ.

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.

HMOTAOPAZY 15:18

Hlâno tawhta pahnopa Abeipa ta a tah,’ tahpa ta ama vaw chho haw.

HMOTAOPAZY 2:36

Chavâta Zisu nama khaipâpa tlai kha, Khazohpa ta Abeipa nata Mesia ta a taopa a châ tahpa cha, Izarei phopi zydua ta pahno tlai mawh ei sy,” tah ta.

HMOTAOPAZY 3:18

Khazohpa ta hrohsopa zydua pakah ta a Mesia cha riethei a tao awpa a châna kyh a vaw reih chhieliepa kha, a vaw patlôsapa a châ.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.

HMOTAOPAZY 5:30

Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

RAWMA 2:12

Ryhpa hnei leipa ta hmo a paraopazy cha, ryhpa leipa ta leidia aw ei ta; ryhpa hneina chôta hmo a paraopazy cha, ryhpa ta pachiapa ama châ aw.

RAWMA 4:17

“Phopi hluhpi paw ta ei cha tao haw,” tahpa ta ropa hawhta, Abarahâ cha athihpa a pahrotuhpa nata hmo a y leipazy a paysatuhpa châ ta, â ngiapâpa Khazohpa mohmô liata eima zydua paw a châ.

1 THYSALAWNIKA 2:15

Cha Zuzy cha Abeipa Zisu nata hrohsopazy a thietuhpa châ ei ta, keimo chhao miah papua ei ta, Khazohpa palysa leipa ei ta, chyhsa zydua chakhiatuhpa ama châ.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.