HMOTAOPAZY 19:6 - Mara Bible RV (BSI)

⁶ Pawla ta ama chô liata a ku a pahnieh nahta, Thlahpa Pathaihpa ama chô liata vaw tlô ta, reih hropazy ta bie reih ei ta, hrohsona biezy phuah ei ta.

HMOTAOPAZY 19:6 ပူးပေါင်းရင်းမြစ်များ

MÂKA 16:17

He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

HMOTAOPAZY 19:7

Ama zydua ta pawtlohpa sai ta pahrawh hleino rachhôh ama châ.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 6:6

Cha chyhsazy cha lyuhchâpazy hmiakô liata paduasa ei ta, ama chô liata ku pahniehpa ta, thlahchhâpa ei ta.

HMOTAOPAZY 9:17

Anania cha pua ta, Sawla yna o liata a kei ngia ta. A chô liata a ku pahnieh ta, “Unawh Sawla, na mo pavâ nawpa nata Thlahpa Pathaihpa biepa ta na y thei nawpa ta, na vaw siena lâpi liata na hnohta a vaw luahpa Abeipa Zisu khata eina vaw tuah,” tah ta.

1 TIMAWTHY 5:22

Chyhsa chô liata ku pahnieh awpa ta a para leipa la, mohropazy moleina liata a hlao leipa la, pathaihpa ta y mah y.

2 TIMAWTHY 1:6

Cha vâna chata na chô liata ei ku pahniehpa ta Khazohpa hmopiepa nâ liata a ypa kha, pa-ia awpa ta ei cha pahnosa heih.