HMOTAOPAZY 19:4 - Mara Bible RV (BSI)

⁴ Pawla ta, “Zawhâna khata rona bâti pachâsa ta, a hnôhlâ ta a vy awpa Zisu a ngiapâ awpa ta chyhsazy a chho ei,” tah ta.

HMOTAOPAZY 19:4 ပူးပေါင်းရင်းမြစ်များ

ZAWHÂNA 1:15

Zawhâna cha ano a pahnokheituhpa châ ta, ano kyh liata, “‘Ei hnôhlâ ta a vypa cha, kei ei y hlâta a y hapa châ ta, keima hlâta rônah viapa a châ’, tahpa ta a thâtih ei reipa kha, he chyhsa he a châ,” tah ta.

ZAWHÂNA 1:26

Zawhâna ta âmo cha a chhy ta, “Kei ta la ti ta cha bâti ei na ta, châhrasala nama hry liata nama pahno leipa chyhsa pakha a duah ta,

ZAWHÂNA 1:27

ano cha ei hnôhlâ ta a vypa châ ta, kei la a pheiky ri a pathlâ tlâh chhao châ va na,” tah ta.

ZAWHÂNA 1:7

Ano cha pahnokheituhpa châ awpa ta a vy ta, ano vâta chyhsa zydua amâ ngiapâ thei nawpa ta, khaihna a pahnokheituhpa châ awpa ta â vy.

HMOTAOPAZY 1:5

Zawhâna kha ti ta bâti pachâsa ta, bohpi leipa ta Thlahpa Pathaihpa ta bâti pachâsapa nama châ aw,” tah ta.

HMOTAOPAZY 11:16

Chatawhcha Abeipa ta, ‘Zawhâna ta ti ta bâti pachâsa ta, châhrasala nâmo la Thlahpa Pathaihpa ta bâtipa nama châ aw,’ a tahpa bie kha a vaw thei na ta.