HMOTAOPAZY 19:23 - Mara Bible RV (BSI)

²³ Cha daihti liata, Lâpi zyhna kyh vâta atymâna lai ngaitapa pua ta.

HMOTAOPAZY 19:23 ပူးပေါင်းရင်းမြစ်များ

HMOTAOPAZY 18:26

Pakhyna o liata riahpha ngaitapa ta bie reih ta. Priskilâ nata Akuilâ ta a biereipa cha ama thei nahta, ama o lâ a chhi ei ta, Khazohpa lâpi a sia viapa ta chhopasia ei ta.

HMOTAOPAZY 19:9

Châhrasala thokha cha chhorupa ta y ei ta, a ngiapâ khoh leipa ta, zawpi hmiakô liata Lâpi zyhna cha reipachhie ei ta. Chavâta âmo cha siesaipa ta, pachupazy ânano ta a chhi ta, noh chareih ta Tyrânâ pachuna o liata âmo cha Biehrai a laichadaikhei tyh ta.

HMOTAOPAZY 22:4

He Lâpi zyhna chyhsazy he thina taihta taola tyh ei na ta, a chanô chapaw ta chahry na ta, patâhna o liata ei pakhôsa tyh ei.

HMOTAOPAZY 24:14

Châhrasala he bie he na hnohta ei phuah aw. Âmo ta py ama tahpa Lâpi zyhna siezie hawhta miah pathlatuhpazy Khazohpa a chhypa châ na ta, ryhpa nata hrohsopazy châbu liata ropa zydua a ngiapâtuhpa ei châ.

HMOTAOPAZY 24:22

Felika cha Lâpi zyhna kyh a pahno kawpa vâta, “Pheisaih hyutuhpa Lysia â zu tita nama bie he ei pachâ aw,” tah ta, ama bie cha soh ha chy ta.

HMOTAOPAZY 9:2

Lâpi zyhna py liata chyhsa ahy rai a hmô khiah ei ta cha, a chapaw chanô ta chahrypa ta, Zerusale lâ â vaw chhi thei nawpa ei ta, Dâmaskâ pakhyna ozy liata pie awpa châzy hiah ta.

2 KAWRINI 11:26

Ei hluhpi ei khitlynazy liata, chavahzy liata chichhihna, hraotuhpazy liata chichhihna, ei chiheihzy liata chichhihna, Zenitaizy liata chichhihna, khihpi liata chichhihna, khitaw liata chichhihna, tilaipi liata chichhihna nata unawh pakheipazy liata chichhihnazy ei tyh tyh.

2 KAWRINI 6:5

chheina liata zy, patâhna liata zy, tymâna liata zy, hriapasana liata zy, mokuh saihna liata zy, nodina liata zy;

2 KAWRINI 6:9

Pahno khi leipa ta pachâpa châ pi ta, châhrasala chyhsa to pahnopa eima châ. Thi awpa ta pachâpa châ pi ta, châhrasala moh tua u, eima hro thlâh ha hih. Hriepa châ pi ta, châhrasala thiepa châ ma pi.