HMOTAOPAZY 19:21 - Mara Bible RV (BSI)

²¹ Cha khai tawhta, Pawla cha Thlahpa chhihthapa ta Mâsidônia râh nata Akai râhzy chahryh ta, Zerusale lâ sie a chhuah ta, “Cha râhzy ei tlô tawhta, Rawma chhao ei tly awpa a châ,” tah ta.

HMOTAOPAZY 19:21 ပူးပေါင်းရင်းမြစ်များ

CHAPHÔHTUNA 3:37

Abeipa ta bie a pie leipa khiahta cha, Ahy ma a bie reipa a patlôsa thei tly?

HMOTAOPAZY 16:12

Cha tawhna chata Philipi lâ sie pi ta. Philipi cha Mâsidônia râh liata khihpi peimawhpa châ ta, Rawma a vaopa khihpi a châ. Cha khihpi liata noh khazie tlyma châh pi ta.

HMOTAOPAZY 18:12

Kâliô cha Akai râhvaotuhpa a châ nota, Zuzy cha a paraohpa ta Pawla tei ei ta, ryureina hmiakô lâ a chhi ei ta.

HMOTAOPAZY 18:21

“Khazohpa ta a pasaih khiahta cha, nâmo lâ ei vy heih aw,” tahpa ta reih phapa ta âmo cha siesai ta, Ephesi tawhta balyh ta sie ha ta.

HMOTAOPAZY 19:22

A chakaotuhpa pano, Timawthy nata Erastâ cha Mâsidônia râh lâ pasiesa tua ta, ano cha Asia liata y chy ta.

HMOTAOPAZY 19:29

Khihpi zydua cha tymâna ta bie ta, Pawla a zituhpa Mâsidônia chyhsa Kaiâ nata Aristaku zy cha patu ei ta, ahmaohna o lâ â raohpa ta a râkhei ei ta.

HMOTAOPAZY 20:16

 thei khiahta cha Zerusale liata Pentikaws noh hmâ awpa ta a sie para khohpa vâta, Pawla cha Asia râh liata bohpi y awpa khoh leipa ta, Ephesi khih cha balyh ta siepakhô a chhuah ta.

HMOTAOPAZY 20:22

“Thlahpa ta eina tuahpa vâta tahmâ he Zerusale lâ ei sie aw. Cha liata ei chô lia khâpa hmo ma a vaw tlô aw tahpa pahno va na.

HMOTAOPAZY 21:17

Zerusale eima tlô nahta, unawhzy ta thapha ngaitapa ta miah a vaw ly ei ta.

HMOTAOPAZY 21:4

Cha liata pachupazy hmô pi ta, noh sari châh pi ta. Pachupazy chata Thlahpa pahnosana ta, Pawla cha Zerusale lâ sie lei awpa ta chho ei ta.

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.

HMOTAOPAZY 27:1

Itali râh lâ balyh ta eima sie awpa ama pathlu nahta, Pawla nata atâhpa chyhsa thokhazy cha Awkastu py liata pheisaih za kha hyutuhpa Zulia ama tahpa ku liata hlâ ei ta.

HMOTAOPAZY 27:24

ei hnohta, ‘Pawla, chi khah y, Kaisarâ hmiakô liata nâ duah awpa a châ. Moh teh, na hnohta balyh liata a siepa zydua chhao kha, Khazohpa ta a cha pie,’ eina tah.

HMOTAOPAZY 28:16

Rawma eima tlô nahta, Pawla cha vaituhpa pheisaih hneipa ta, ano kho ta y awpa ta pasaipa châ ta.

RAWMA 1:11

Nama pachyu thei nawpa ta Thlahpa hmopiepa cha pahneisa awpa ei ta, nâmo châ hmô awpa ei khoh ngaita.

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

RAWMA 1:15

Chavâta nâmo, Rawma khih liata a ypazy hnoh chhao ta, thâtihpha cha chho awpa a ngiatiah va na.

1 KAWRINI 16:5

Mâsidônia râh chahryh a chhuah na ta, Mâsidônia râh ei chahryh khai tawhta, nâmo ei cha vaw tly aw ei.

1 KAWRINI 4:19

Abeipa ta â ryh a tah khiahta cha, nâmo lâ a vy patoh aw na ta, a palai kawpazy chata khâpa biezy ma ama rei tahpa dei châ leipa ta, khâpa hmotaotheina ma ama hnei tahpa pahno ei chhuah aw.

2 KAWRINI 10:16

Chatanachata mohropa chakaona su liata raihria chiehpa a palaikhei leipa ta, nama khô lâ râhzy liata thâtihpha eima chho thei aw.

KALATIA 2:1

Kô hrawh hleipalih a khô tawhta, Titu a chhipa ta, Bânabâ chhaota Zerusale lâ khy heih na ta.

1 THYSALAWNIKA 1:7

Mâsidônia nata Akai râh liata ngiapâtuhpa zydua châta a mopâ awpa nama vaw châ.