HMOTAOPAZY 19:19 - Mara Bible RV (BSI)

¹⁹ Dyuthaipa hluhpi ta ama châbuzy vaw cheih ei ta, chyhsa zydua mohmô ta mei ta rao ei ta. A mâ reipati ei ta, tâkâ thy pangawh mâ dua a châ.

HMOTAOPAZY 19:19 ပူးပေါင်းရင်းမြစ်များ

ÂTHAONA 35:4

Chatanachata râh hropa khazoh ama ku liata a ypa zydua nata ama nah liata rahy amâ bapa zydua cha Zakaw pie ei ta, Zakaw ta Sekhe kiapâh ôkâ tho ry liata pabu ta.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

PUASAINA 32:20

Viahchaotaw nothlahpa ama taopa cha la ta, mei ta rao ta, a dina taihta charo ta, a paohpa ti liata hie ta, Izarei sawzy padosa ta.

PUASAINA 7:11

Phiraoh chhao ta chyhsa sopazy nata dyuthaipazy aw hra ta, Izi râh liata moliethaipazy chhao chata ama dyu hmâpa ta, cha hawhna tlai chata tao hra ei ta.

PUASAINA 7:22

Châhrasala Izi râh liata moliethaipazy ta ama dyu hmâpa ta, cha hawhta tao hra ei ta. Chavâta Phiraoh palôh cha kuhchhapa ta y ta, Abeipa ta a rei hapa hawhta, ama bie nathlie khoh vei.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

DÂNIAH 2:2

Abei ta a mâsapazy cha ano chho awpa ta moliethaipazy, dyuthaipazy, pachaothaipazy nata awhsithaipazy awpakhy awpa ta biepie ta. Âmo cha a vy ei ta abei hmiakô liata a duah ei ta.

THEIHTHAINA 13:52

Chysia tlyma, sahmi pala tlyma, pala rih dipa tlyma, thaitôh tlyma, thaipheih tlyma, savo ta taopa hmobaoh kheihawhpa tlyma, phawhpa hri ta a kiapa maih cha, mei ta rao awpa a châ. Phawhpa hri cha a kawh theipa chi a châpa vâta, mei ta rao thlyu awpa a châ.

LUKA 14:33

Cha hawhna hra chata nama hry liata chhao, a hneipa zydua a siesai leipa cha ei pachupa châ thei aw vei.

LUKA 15:8

“Cha leipa chhao ta, ahy chanô ma tâkâ tlaw hrawh hnei ta, tlaw kha pahlei ha sala, meiôh raopa ta o phi aw ta, a hmô hlâlei pakhâta ta tlua leipa ta a y aw?

HMOTAOPAZY 13:6

Liahpahlô zydua chahryh ei ta, Pafawsâ khih tlôna taihta sie ei ta. Cha liata dyuthaipa pakha a tyh ei ta, ano cha Zu chyhsa hrohso pakheipa, a moh Barzisu ama tahpa châ ta,

HMOTAOPAZY 13:8

Châhrasala dyuthaipa Elaimâ ta râhvaotuhpa cha ngiapâna patleisa a chhuahpa ta, Bânabâ nata Sawla cha pakhâpadie ta. Elaimâ cha dyuthaipa tahna a châ.

HMOTAOPAZY 19:18

Ngiapâtuhpa hluhpi a vy ei ta, ama hmotaopazy a phuahpa ta palâhâh ei ta.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.