HMOTAOPAZY 18:5 - Mara Bible RV (BSI)

⁵ Mâsidônia tawhta Sila nata Timawthy ama vaw tlô nahta, Pawla cha biechho chakaona liata a hmâh hluh via ta, Zisu kha Mesia a châ tahpa ta Zuzy hnohta â châhkhei tyh.

HMOTAOPAZY 18:5 ပူးပေါင်းရင်းမြစ်များ

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

LUKA 12:50

Châhrasala bâti châ awpa ei hnei. Cha cha ei pangoh hlâlei cha ei hu a po kaw dia!

LUKA 16:28

Unawh papangawh hnei na ta, he su lâ amâ vy pathlei hra lei nawpa ta, zikyu a kei râ awpa ta tuah mah y,’ tah ta.

ZAWHÂNA 1:41

Adaru cha a hmiatua chai ta a unawhpa Saimaw kei tlua ta, a hmô nahta, a hnohta, “Mesia eima hmô haw,” tah ta. Mesia cha Krista tahna a châ.

ZAWHÂNA 10:24

Zuzy ta vaw chadô ei ta, a hnohta, “Khachâ ma noraihpa ta miah na soh aw? Mesia na châ khiahta cha, a siapa ta miah chho teh,” tah ei ta.

ZAWHÂNA 15:27

Nâmo chhao, âthaona tawhta ei hnohta a ypa nama châpa vâta, nâ pahnokheituhpa nama châ aw.

ZAWHÂNA 3:28

‘Kei he Mesia châ va na, a hmia lâta tuapa ei châ,’ ei tahpa kha, nâmo tlai he nâ pahnokheituhpazy nama châ.

HMOTAOPAZY 10:42

Ano cha athihpa nata ahrohpa pachia awpa ta Khazohpa ta a raopa a châzie a duakheipa ta, chyhsazy hnohta chho awpa ta bie miah a pie.

HMOTAOPAZY 15:22

Chatawhcha lyuhchâpazy, machâzy nata Awnanopa zydua ta ama hry tawhta chyhsa pano a tlyh ta, Pawla nata Bânabâ hnohta Antiôkâ lâ pasiesa awpa cha pha tah ei ta. Unawhzy hry liata hyutuh viapa Bâsabâ ama tahpa Zudâh nata Sila zy a tlyh ei ta.

HMOTAOPAZY 16:1

Pawla cha Derbe nata Lystâ lâzy chhao sie ta. Cha liata Timawthy ama tahpa pachupa pakha y ta. Timawthy cha Zu chanô ngiapâtuhpa sawchapaw châ ta, a paw deikua cha Krikâh chyhsa a châ.

HMOTAOPAZY 16:12

Cha tawhna chata Philipi lâ sie pi ta. Philipi cha Mâsidônia râh liata khihpi peimawhpa châ ta, Rawma a vaopa khihpi a châ. Cha khihpi liata noh khazie tlyma châh pi ta.

HMOTAOPAZY 16:9

Zâ ta Pawla ta aluahna hmô ta. Mâsidônia chyhsa pakha a vaw duah thlâh ha ta, ano chata, “Masidônia râh lâ a vy la, miah vaw bao teh,” tahpa ta a haw ta.

HMOTAOPAZY 17:3

Mesia cha riethei a tao awpa a châna nata athihpa hry tawhta a thyu heih awpa kyhzy chhopasiapa ta, pahmô pasiasa tyh ta, “He Zisu, a thâtih ei cha chhopa ei he, Mesia cha a châ,” tah ta.

HMOTAOPAZY 18:28

Vâtlâh pahnopa ta Zuzy cha thatlô ngaitapa ta ama bie padei lymâ ta, Biehrai a tlychakapa ta, Zisu cha Mesia a châ tahpa a chhopasia tyh ei.

HMOTAOPAZY 2:36

Chavâta Zisu nama khaipâpa tlai kha, Khazohpa ta Abeipa nata Mesia ta a taopa a châ tahpa cha, Izarei phopi zydua ta pahno tlai mawh ei sy,” tah ta.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 20:23

Khihpi to liata patâhna nata rietheitaonazy ta eina hâ thlâh hapa kyh Thlahpa Pathaihpa ta eina chhopa deita ei pahno.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 4:20

Keimo la hmo eima hmôpa nata eima theipazy reih leipa ta y thei ma pi,” tah ei ta.

HMOTAOPAZY 9:22

Sawla cha a thatlô via lymâ ta, Zisu cha Mesia a châ tahpa ta chhopasia ta, Dâmaskâ liata Zu chyhsa a ypazy cha cha-ohsa thlâh tyh ta.

2 KAWRINI 1:19

Kei nata Timawthy nata Silvanâ ta, nama hry liata eima phuahpa Khazohpa Sawchapawpa Zisu Krista kha, “A châ” nata “Châ vei” châ pakaoh vei. Ano liata cha khati no rai ta “A châ” tahpa a châ lymâ.

2 KAWRINI 11:9

Nama hnohta y na ta, ei phahla nota ahy phaohri hmah châ beih va na. Mâsidônia râh tawhta a vypa unawhzy ta ei phahlanazy liata eina deichhy lymâ ei. Nama phao cha pahri lei awpa a chhuah na ta, cha hawhta ei tao lymâ aw.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

1 THYSALAWNIKA 3:2

Chatanachata Krista thâtihpha liata eima unawhpa nata Khazohpa eima chakaolâhpa Timawthy cha, namâ ngiapâna pa-i awpa nata tha cha patlô awpa ei ta eima vaw tuah.

1 THYSALAWNIKA 3:6

Chatanachata tahmâ Timawthy cha vaw tlô ta, namâ ngiapâna nata kyhpachâna thâtih lychhihpa miah a vaw tlôkhei. Khâ miah a thei ei chi ta, cha hmô awpa eima byuh kawpa hawhta, nâmo chhao miah hmô awpa nama byuh kawna thâtihzy miah a chho.

1 PITY 5:12

Unawh ngâchhihpa ta ei pachâpa Silvanâ baona ta nâmo lâ pasyuna châ chyuta vaw roh na ta, cha cha Khazohpa ngiachhiena hmeiseihpa a châ tahpa ei reih. Cha liana chata â ipa ta a duah muh vy.