HMOTAOPAZY 18:27 - Mara Bible RV (BSI)

²⁷ Apawlôsâ cha Akai lâ sie awpa â chhuah nahta, unawhzy ta a thapatlô ei ta, ano a vaw ly awpa ta pachupazy lâ châ ropa ei ta. A tlô nahta, ngiachhiena vâta ngiapâtuhpazy cha thata bao ta.

HMOTAOPAZY 18:27 ပူးပေါင်းရင်းမြစ်များ

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

HMOTAOPAZY 11:26

A hmô nahta, Antiôkâ lâta a vaw chhi ta. Kô kha chhôh tlai Awnanopa apakhyna liata a hlao ei ta, chyhsa hluhpi ama pachu lymâ. Antiôkâ liana heta pachupazy cha Krizyhpazy tahpa ta aw tuapa ama châ.

HMOTAOPAZY 15:34

Sila deikua cha, cha liata y chy awpa a phapa ta pahno ta.

HMOTAOPAZY 18:12

Kâliô cha Akai râhvaotuhpa a châ nota, Zuzy cha a paraohpa ta Pawla tei ei ta, ryureina hmiakô lâ a chhi ei ta.

HMOTAOPAZY 18:18

Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

HMOTAOPAZY 19:1

Apawlôsâ Kawrini liata a y chhôh ta Pawla cha tlâh râh chahryh ta, Ephesi tlô ta. Cha liata pachupa thokhazy hmô ta.

HMOTAOPAZY 9:27

Bânabâ deikua ta ano cha a pyh ta, lyuhchâpazy lâ vawkhei ta, lâpi liata Abeipa hmô ta, Abeipa ta a hnohta bie â chhopa kyh zy, Dâmaskâ liata Zisu moh ta riahpha ngaitapa ta bie a chhopa kyh zy pachupazy hnohta reih ta.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 16:3

Chatanachata ei vaw tlô tita, nama hmopiepazy cha Zerusale lâ phaoh awpa ta, chyhsa nama ngâpazy cha châ chhaota ei pasiesa aw ei.

1 KAWRINI 3:6

Kei ta loh na ta, Apawlôsâ ta ti bao ta, Khazohpa ta a palaiseihsa.

2 KAWRINI 1:24

Namâ ngiapâna chô liata biehnei a chhuah leipa pi ta, namâ ngiapâna liata â ipa ta namâ duapa vâta, namâ ly nawpa ta eima cha hrialâhpa tlao a châ.

PHILIPI 1:25

Cha cha ei ngiapâpa vâta, ei hroh chy aw tahpa ei pahno. Ngiapâna liata laiseih u la, namâ ly nawpa ta, nama hnohta ei y chy aw.

PHILIPI 1:29

Krista namâ ngiapâpa dei châ leipa ta, ano vâta pasa nama tao awpa chhao pasaipa châ tlôh ta.

KAOLAOSÂ 2:12

Bâtina liata a hnohta pabupa châ ei chi ta, athihpa hry tawhta ano a pathyutuhpa Khazohpa raihria hmotaotheina namâ ngiapâpa vâta, nâmo chhao a hnohta pathyupa nama châ.

KAOLAOSÂ 4:10

Ei tâlâhpa Aristaku ta a châ naoh ei. Bânabâ tupapa Mâka chhao ta a châ naoh ei. Ano kyh liata pahnosana vaw dao ha ei chi ta, nâmo lâ â vy khiahta cha, a vaw ly muh vy.