HMOTAOPAZY 18:18 - Mara Bible RV (BSI)

¹⁸ Cha hnôhlâ ta, Pawla cha Kawrini liata bohpi y via ta, cha khai tawhta unawhzy cha reih phapa ta a chhaih ta, cha tawhna chata Suria râh lâ balyh ta sie ta. Priskilâ nata Akuilâ chhao a hnohta sie hra ei ta. Pawla cha a bietai a patlô hapa vâta, Kenkaria khih liata a sâ a ngyu ta.

HMOTAOPAZY 18:18 ပူးပေါင်းရင်းမြစ်များ

MALUHREINA 6:18

Nâzarai chyhsa ta â pananona luh cha ahmaohna poh o chhikao liata ngyu aw ta, â pananona luh liata a sâ la aw ta, aryhna hlâna atheihna ry liata mei liata a phôh aw.

MALUHREINA 6:2

“Izarei sawzy chho la ama hnohta hetana heta reih teh: Chapaw tlyma, chanô tlyma ta Abeipa châta panano eihpa Nâzarai chyhsa châ awpa ta bietai a ipa a tao khiahta cha,

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MÂKA 6:46

Âmo a pasiesa khai nahta, thlahchhâ awpa ta tlâh lâ kiah ta.

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

HMOTAOPAZY 15:23

Hetana heta châ roh ei ta, ama tuapazy ku liata ama paphao. “Nama unawhpa lyuhchâpazy nata machâzy ta, Antiôkâ khih nata Suria râh nata Silisia râhzy liata a ypa eima unawhpa Zenitai ngiapâtuhpazy eima châ naoh.

HMOTAOPAZY 15:41

Suria nata Silisia râhzy chahryh ta, Awnanopazy thapatlô lymâ ta.

HMOTAOPAZY 18:2

Cha liata Akuilâ ama tahpa Zu chyhsa pakha hmô ta. Cha chyhsa cha Pawntu râh liata a pihpa châ ta, Klaudia ta Zu chyhsa zydua Rawma khih tawhta pua awpa ta bie a piepa vâta, a lapinô Priskilâ nata Itali râh tawhta atlia ta a vaw tlôpa ama châ. Pawla cha âmo a hmô awpa ta vawh ta.

HMOTAOPAZY 18:26

Pakhyna o liata riahpha ngaitapa ta bie reih ta. Priskilâ nata Akuilâ ta a biereipa cha ama thei nahta, ama o lâ a chhi ei ta, Khazohpa lâpi a sia viapa ta chhopasia ei ta.

HMOTAOPAZY 18:27

Apawlôsâ cha Akai lâ sie awpa â chhuah nahta, unawhzy ta a thapatlô ei ta, ano a vaw ly awpa ta pachupazy lâ châ ropa ei ta. A tlô nahta, ngiachhiena vâta ngiapâtuhpazy cha thata bao ta.

HMOTAOPAZY 21:23

Chavâta eima cha chhopa hawhta tao mah y. Bietai ry liata a y haipa chyhsa papalih hnei pi ta,

HMOTAOPAZY 21:24

âmo cha a chhi la, ama hnohta a pathai hra la, ama sâ angyuna mâ chhao piepa mah y. Chatanachata chyhsa zydua ta chyhsa pakah tawhta na thâtih ama theipa zydua cha hmeiseihpa châ vei tahpa pahno aw ei ta, nâma tlai chhao ryhpa a chhihpa ta na y hra tahpa a siapa ta ama cha pahno aw.

HMOTAOPAZY 21:3

Kuparâ liahpahlô â vaw lâ nahta, chavei lâta khô pi ta, Suria râh lâ sie lymâ pi ta, Tyre khih liata a pahâ pi ta. Cha liata balyh hmozy pachhi awpa châ ta.

RAWMA 16:1

Eima sietanô Phibi, Kenkaria Awnanopa liata chakaotuhpa pahnokheina nâmo lâta ei vaw roh.

1 KAWRINI 9:20

Zuzy pahnie thei nawpa ta, Zuzy hnohta Zu hawhta ei y tyh. Kei cha ryhpa ry liata y vei hraw sah la, ryhpa ry liata a ypazy ei pahnie thei nawpa ta, ryhpa ry liata a ypazy hnohta ryhpa ry liata ta ei y tyh.

KALATIA 1:21

Cha hnôhlâ ta Suria nata Silisia râhzy lâ sie na ta.