HMOTAOPAZY 17:22 - Mara Bible RV (BSI)

²² Pawla cha Areôpaku liah khophie liata a duah ta, “Nâmo, Atheni mo saih u, ato liata zyhna kyh a pachâ peimawh ngaitapa nama châ tahpa ei pahno.

HMOTAOPAZY 17:22 ပူးပေါင်းရင်းမြစ်များ

ZEREMIAH 50:38

Nohkâhna ta a tizy a dyuh aw ta, Ama kua khai aw. Khazoh nothlahpazy yna râh châ ta, Khazoh nothlahpazy vâta Ama hru khai hana râh a châ.

HMOTAOPAZY 17:15

A pathlietuhpazy ta Pawla cha Atheni taih kei pathlie ei ta. Sila nata Timawthy cha a chatlie thei chaipa hawhta ano lâ a vy awpa ta Pawla tawhta biepiepa phaopa ta, a vaw pathlietuhpazy cha a lie ha ei ta.

HMOTAOPAZY 17:16

Pawla cha Atheni liata Sila nata Timawthy a hâ chhôhta, khihpi cha khazoh nothlahpa ta a bie thlâh hapa hmô ta, a palôh pasa ngaita ta.

HMOTAOPAZY 17:19

Pawla cha a chhi ei ta, Areôpaku lâ vawkhei ei ta, a hnohta, “He pachuna thiehpa na rei tyhpa he khâpa ma a châ tahpa miah na chho thei aw ma?

HMOTAOPAZY 17:34

Chyhsa thokha cha Pawla a pahlaopa ta a ngiapâ ha ei ta. Chazy hry liata Areôpaku chyhsa Diônesia nata Dâmâri ama tahpa chanô pakha a hlao ei ta, mohropazy chhao amâ hlao.

HMOTAOPAZY 19:35

Khihpi chârohtuhpa ta zawpi cha a chalihsa khai nahta, “Ephesi mo saih u, Ephesi mo he Artemi rônahpa achhyna o nata avâ tawhta ano nothlahpa zâ tlapa a vaituhpa nama châ tahpa, a pahno leipa ahy ma a y tly?

HMOTAOPAZY 25:19

Ama zyhna kyh nata Zisu ama tahpa, a thi hapa, Pawla ta a hrohpa hawhta a reipa kyh liata amâ eina tlao vaw châ ta.