HMOTAOPAZY 16:39 - Mara Bible RV (BSI)

³⁹ Vawh ei ta, reihpha cheih ei ta, papua ei ta, khihpi puasai awpa ta a haw ei ta.

HMOTAOPAZY 16:39 ပူးပေါင်းရင်းမြစ်များ

PUASAINA 11:8

Châ chakaotuhpa zydua he ei hnohta a zu aw ei ta, ei hmiakô liata a bôhpa ta, ‘Nâ nata châ zituhpa chyhsa zydua he pua teh u,’ tah aw ei ta, cha khai tawhta ei pua aw,” tah ta. Chatanachata Phiraoh tawhtapa cha hiehâh ngaitapa ta pua ha ta.

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

DÂNIAH 6:23

Abei cha a ly ngaita ta, Dâniah cha lôpu tawhta thao awpa ta biepie ta. Dâniah cha lôpu tawhta thaoh ei ta, ano liata pasana khâpa hmah hmô awpa y vei, a Khazohpa khâchâ a ngâ hapa vâta.

MATHAI 8:34

A khihpi ta Zisu a tyh awpa ta vaw pua ei ta, ama hmô nahta, ama bia puasai awpa ta a haw ei ta.

MÂKA 5:17

Zisu cha ama râh puasai awpa ta a haw ei ta.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.