HMOTAOPAZY 16:34 - Mara Bible RV (BSI)

³⁴ Lyuhchâpazy cha a o lâ a chhi ta, âmo châta pati taopa ta, Khazohpa amâ ngiapâ hapa vâta ano nata a chhôhkha zydua ta a ly ngaita ei ta.

HMOTAOPAZY 16:34 ပူးပေါင်းရင်းမြစ်များ

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

LUKA 19:6

Zakia cha za chô para ta, thapha ngaitapa ta Zisu cha a o liata patlôsa ta.

LUKA 5:29

Livai ta a o liata Zisu châta kyhchhi rônahpa tao ta, chhiekheituhpa hluhpi nata chyhsa hropazy ta Zisu nata a pachupazy cha tlâhkhai liata pati dôhkhei ei ta.

HMOTAOPAZY 11:14

Ano ta bie cha chho aw ta, cha bie chata nâ nata na chhôhkhazy pachhapa ta nama y aw,’ a vaw tahpa kyh miah chho ta.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 16:35

Noh a vaw chhi nahta, bie pachiatuhpazy ta, “Kha chyhsazy kha papua teh,” tahpa ta pheisaihzy tuah ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

HMOTAOPAZY 8:39

Ti tawhta ama kaw pua nahta, Abeipa Thlahpa ta Phili cha a chhi ha ta, hrilyupa ta ano cha hmô khao leipa ta, thapha ngaitapa ta sie ha ta.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

RAWMA 5:2

Ano vâ lilaw ta tahmâ ta eimâ duana ngiachhiena liana heta ngiapâna ta a ngia ha pi ta, Khazohpa rônahna hnabeiseihpa ta a lypa ta eima y.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

PHILIPI 4:17

Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

PHILIPI 4:4

Abeipa liata khâ a ly teh u; ei tah heih aw, a ly teh u.

PHILEMAW 1:7

Unawh y, nâma zawhzi ta mopathaihpazy palôh pathiehpa ta y ta, na kyhpachâna ta alyna nata thlalôhna thata eina pie.

1 ZAWHÂNA 3:18

Sawzy saih u, bie nata reikah deita ta kyh a pachâ leipa sih la, hmotaopa nata biehmeiseihpa ta kyh a pachâ ei suh u.