HMOTAOPAZY 16:27 - Mara Bible RV (BSI)

²⁷ Patâhna o vaituhpa cha â môpa a vaw hra ta, patâhna o ochhi a pahypazy cha hmô ta, atâhpazy cha amâ râ ha khiah ma tah ta, a zaozi phia ta a thie a chhuah ta.

HMOTAOPAZY 16:27 ပူးပေါင်းရင်းမြစ်များ

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

1 ABEIZY 16:18

Zimri ta khihpi cha ama la haw tahpa a thei nahta, abei o diahsua chhôh lâ a ngia ta, abei o chhôh liata anosasyh ta mei ta a rao pâ ta, a thi haw.

MATHAI 27:5

Zudâh ta tâkâ cha Achhyna o chhôh liata thy ta, pua ta, sie ta a paaosao ha ta.

HMOTAOPAZY 12:19

Herawda ta Pity cha tlua ta, a hmô thei khao lei nahta, vaituhpazy kyh cha a chu pasiapa ta, âmo cha thie awpa ta biepie ta. Herawda cha Zudia tawhta Kaisaria lâ zu ta, cha liata y thlâh ha ta.

HMOTAOPAZY 16:28

Pawla cha ao paro ngaitapa ta awh ta, “Kheihta hmah a pasasa khah y, eima zydua ta eima y khai thlâh haw!” tah ta.

HMOTAOPAZY 16:36

Cha bie cha patâhna o vaituhpa ta, Pawla chho ta, “Cha papua awpa ta, bie pachiatuhpazy ta chyhsa ama vaw tuah. Chavâta tahmâ vaw pua u la, thlalôhpa ta sie teh u,” tah ta.

RYUREITUHPAZY 9:54

A chariah chhaichhi chabatuhpa satliapa aw para ta, a hnohta, “Na zaozi kha phia la na vaw thie teh, chyhsa ta, ‘Chanô ta na a thie,’ eina tah pathlei aw ei na,” tah ta. Satliapa ta Abimele cha zaozi a puapahliena taihta vieh ta, thi ha ta.