HMOTAOPAZY 16:26 - Mara Bible RV (BSI)

²⁶ Eikhapi ta alo thata a vaw sih ta, patâhna o abônazy taihta a vaw chalyu ta. Ochhi zydua thlai a vaw pahy ta, atâhpazy keihrai cha a vaw pathlâ khai ha ta.

HMOTAOPAZY 16:26 ပူးပေါင်းရင်းမြစ်များ

1 ABEIZY 13:28

Sie ta, lâpi liata a ri â thy thlâh hapa nata a ri kiapâh liata alâ nata chakeibarôhneipa a duah thlâh hapa zy cha kei hmô ta. Chakeibarôhneipa ta a ri cha vaw nie leipa ta, alâ chhao cha hmah vaw paphao vei.

HLAZY 102:20

Atâhpazy ahrôna theipa ta, Thi awpa ta raopazy pathlie awpa ta.

HLAZY 146:7

Tlybaipazy châta adona a duakheituhpa châ ta, Nodipazy nie awpa a pietuhpa a châ. Abeipa cha atâhpazy papua ta,

HLAZY 68:6

Khazohpa ta matlupa châta chhôhkha taopa ta, Atâhpazy papuapa ta thlao pachhisa ta; Dyuhtuhpazy deikua cha râh raohpa liata ama pahrâ.

HLAZY 79:11

Atâhpazy ahrôna na hmiakô liata vaw tlô sala, Na hmotaotheina rônahzie lymâ hawhta, Thi awpa ta raopazy cha pahlôh mah y!

ISAI 42:7

Mochaopazy mo pavâsa aw chi ta, Atâhpazy na papua aw ei; Âmo cha lei ry patâhna o tawhta papua aw chi ta, Patâhna o zohpa tawhta na papua aw ei.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

MATHAI 28:2

Alo thata a vaw sih ta, vârâh tawhta Abeipa vâlyuhchâpa za chô ta, thlâ pamaina lô cha pasie ta, a chô liata a tyuh ta.

HMOTAOPAZY 12:10

Vaituhpa tytuapa nata a pazipa ama khô tawhta, khihpi lâ puana thua ochhi kei tlô ei ta. Ochhi cha ama châta ano khota a vaw pahy ta, pua ei ta, khiliah liata ama sie hai nota, vâlyuhchâpa chata siesai ha ta.

HMOTAOPAZY 12:7

Abeipa vâlyuhchâpa a kiapâh liata a vaw duah ta, patâhna o chhôh cha vaw khaih ta. Pity kâ liata kei chabaih ta, pahra ta, a hnohta, “Thyu para teh,” tah ta. Bâliazy cha a ku tawhta tla ha ta.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 5:19

Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta,

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.

BIEPHUAH 6:12

Chahnaona miacharuna a pathlâ nahta, kaw moh na ta, alo thata a vaw sih ta. Noh cha latho poh hawhta vaw vyh ta, thlâpâ chhao thisaih hawhta saih khai ha ta.