HMOTAOPAZY 16:17 - Mara Bible RV (BSI)

¹⁷ Cha chanô chata Pawla nata keimo miah zi ta, “He chyhsazy he Chônôchai Khazohpa chakaotuhpazy ama châ, pachhana lâpi ama cha vaw chho hih,” tahpa ta awh ta.

HMOTAOPAZY 16:17 ပူးပေါင်းရင်းမြစ်များ

HLAZY 57:2

Khazohpa Chônôchaipa pado na ta, Kei liata â chhuahna a patlôpa Khazohpa tlai cha ei pado.

HLAZY 78:35

Khazohpa cha ama lôpanô a châ tahpa a thei ei ta, Chônôchai Khazohpa cha, Âmo chatlaituhpa a châ tahpa amâ thei heih tyh.

DÂNIAH 3:26

Chatawhcha Nebukaneza cha patina meihô chhikao kiapâh lâ vâ hnia ta, awh ta, “Sâdarâka, Mesâka, Abenekô, Khazohpa Chônôchaipa chakaotuhpa saih u, vaw pua u la, he lâ a vy teh u,” tah ta. Sâdarâka, Mesâka nata Abenekô zy cha mei tawhta vaw pua ei ta.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 4:2

Chônôchai Khazohpa ta ei chô liata a taopa ngiana nata hmo noâhpazy phuah awpa he kei châta a phapa ta ei pahno.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

DÂNIAH 5:21

Khazohpa Chônôchaipa ta chyhsazy khinarâh chô liata ryureih ta, a khopa maih khinarâh chô liata a pabeisa tyh tahpa a pahno hlâlei cha, chyhsazy hry tawhtapa papuapa ta y ta, râhsa palôh paphaosapa châ ta, râh alâzy hry liata pahrâ ta, viahchaozy hawhta sibiepa pabâsapa châ ta, a pôhpa avâ diati ta padâpa ta a y.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.

MIKÂ 6:6

“Khâpa a cheipa ta ma, Abeipa hmiakô lâ vawh aw na ta, Khazoh chônôchaipa hmiakô liata ei bôh aw tly? Raopa hlânazy cheipa ta ma, Viahchaotaw kô khapazy cheipa ta ma, Abeipa hmiakô lâ cha ei vawh aw?

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 8:29

Thata awh ei ta, “Khazohpa Sawchapawpa, kheihta miah tao awpa ma na khoh? Noh taihpa tlô hlâta riethei miah pataosa awpa ta ma nâ vy?” tah ei ta.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

MÂKA 5:7

Ao paro ngaitapa ta awh ta, “Zisu, Khazohpa Chônôchaipa Sawchapawpa, ei chô liata khâpa tao awpa ma nâ chhuah? Khazohpa moh ta ei châ haw na, na taola khah y,” tah ta.

LUKA 1:77

A chyhsazy moleina a ngiahthaipa ta, Pachhana pahnona pie awpa ta,

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

LUKA 20:21

Zisu cha bie hiahri ei ta, “Pachutuhpa, thlua hlei hnei leipa ta, âdopa ta bie reipa ta pachu chi ta, hmeiseihna kyh ta Khazohpa lâpi na pachu tyh tahpa eima pahno.

LUKA 4:34

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Ahy ma na châ tahpa ei cha pahno, Khazohpa Mopathaihpa na châ,” tahpa ta awh ta.

LUKA 4:41

Ahripazy chyhsa hluhpi chhôh tawhta vaw pua ei ta, “Khazohpa Sawchapawpa na châ!” tahpa ta awh ei ta. Châhrasala âmo cha ra ta, Mesia a châ tahpa ama pahnopa vâta, bie ama rei awpa pasaih leipa ta.

LUKA 8:28

Zisu a hmôpa nahta, awh ta, a hmiakô liata pao ta, ao paro ngaitapa ta, “Zisu, Khazohpa Chônôchai Sawchapawpa, ei chô liata khâpa tao awpa ma na khoh? Ei châ haw na, rie na taola khah y,” tah ta.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

HMOTAOPAZY 18:26

Pakhyna o liata riahpha ngaitapa ta bie reih ta. Priskilâ nata Akuilâ ta a biereipa cha ama thei nahta, ama o lâ a chhi ei ta, Khazohpa lâpi a sia viapa ta chhopasia ei ta.

HMOTAOPAZY 19:13

Dyuthaina zuahpa ta a khiekhâpa Zu chyhsa thokhazy ta, ahripa a hneipazy cha Abeipa Zisu moh ta papua awpa a chhuah hra ei ta, “Pawla a châhkheipa Zisu moh ta, pua awpa ta bie ei cha pie,” tah ei ta.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.

2 PITY 2:2

Ama hrozie nozachhihpa cha chyhsa hluhpi ta a mopâ aw ei ta, âmo vâta biehmeiseihpa lâpi reipachhiepa a châ aw.