HMOTAOPAZY 16:15 - Mara Bible RV (BSI)

¹⁵ Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 16:15 ပူးပေါင်းရင်းမြစ်များ

ÂTHAONA 19:3

Châhrasala Lawta ta thata â hawpa vâ ei ta, ano cha pazi ei ta, a o lâ a ngia ha ei ta. Lawta ta âmo châta pati pahâhpa a chhuanoh ta, thinô pahlao leipa viahchhâ tao ta, nie ei ta.

ÂTHAONA 33:11

Byhnâ ei topa na hnohta ama vaw cheipazy kha, ngiachhiepa ta a pyh mah y. Khazohpa ta na ngiachhie ta, ei hneina ta â daihpa vâta kuhria ei cha piepa a châ,” tah ta. Thata â hawpa vâta a la ha ta.

2 ABEIZY 4:8

Noh kha cha Elaisâh cha Sunâ lâ khi kei tlyh ta. Cha khih liata chanô hneirôh kawpa pakha y ta, chanô chata Elaisâh cha pati nie awpa ta a haw ta. Cha noh tawhna cha a chapiana maihta, cha liata pati nie awpa ta a ngia tyh ta.

MATHAI 10:41

Ahy rai hrohsopa cha hrohsopa a châpa vâta a lypa cha, hrohsopa lymâ hmô aw ta, chyhsa siapa cha chyhsa siapa a châpa vâta a lypa chhao, chyhsa siapa lymâ a hmô aw.

MATHAI 3:6

ama moleinazy palâhâhpa ta Zawdâh chavah liata ano ta bâti pachâsa ei ta.

LUKA 14:23

Zibeipa ta chakaotuhpa hnohta, ‘Pua la, lâlai nata khih chaki lâ zy vawh la, ei o biena taihta chyhsazy a vaw ngia awpa ta kei reipasao lylia teh.

LUKA 24:29

Châhrasala thlyu ei ta, “Eima o liata tlô mah y, zâlâ ha ta, noh chhao a tla daihmâ ha hih,” tah ei ta. Chatanachata ama o liata tlô awpa ta a ngia ta.

HMOTAOPAZY 11:14

Ano ta bie cha chho aw ta, cha bie chata nâ nata na chhôhkhazy pachhapa ta nama y aw,’ a vaw tahpa kyh miah chho ta.

HMOTAOPAZY 16:31

Âmo ta, “Abeipa Zisu a ngiapâ la, pachhapa ta na y aw, nâ nata na chhôhkhazy chhaota,” tah ei ta.

HMOTAOPAZY 16:33

Zâcho ta âmo cha a chhi ta, ama chheina hmahzy cha pasi ta, ano nata a chhôhkhazy cha bâti châ ha ei ta.

HMOTAOPAZY 16:34

Lyuhchâpazy cha a o lâ a chhi ta, âmo châta pati taopa ta, Khazohpa amâ ngiapâ hapa vâta ano nata a chhôhkha zydua ta a ly ngaita ei ta.

HMOTAOPAZY 18:8

Pakhyna o hyutuhpa Krispâ nata a chhôhkha zydua cha Abeipa a ngiapâ ha ei ta. Kawrini mo hluhpi chhao ta, Pawla biereipa ama thei nahta, a ngiapâpa ta, bâti châ ei ta.

HMOTAOPAZY 8:12

Phili ta Khazohpa khinarâh thâtihpha nata Zisu Krista moh a chhopa cha, Samâri mo ta a ngiapâ ei ta, a chanô chapaw ta bâti châ ei ta.

HMOTAOPAZY 8:38

Talailih paduasa awpa ta biepie ta, Phili nata hrilyupa cha ama pano ta ti lâ zu ei ta, Phili ta hrilyupa cha bâti pachâsa ta.

RAWMA 16:23

Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

EPHESI 1:1

Pawla, Khazohpa khozie hawhta Krista Zisu lyuhchâpa ta Ephesi khih liata mopathaihpazy nata Krista Zisu liata ngâchhihpazy ei châ naoh ei.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

PHILEMAW 1:17

Chavâta na hrialâhpa ta eina pachâ khiah chi ta cha, keima einâ ly awpa hawh chi ta ano he a vaw ly mah y.

HEBRAI 13:2

Khichhai chô liata phana papua awpa my khuh vy. Cha hawhta taopa ta, thokhazy ta pahno leipa ta vâlyuhchâpazy ama o liata ama patlôsa tyh.

1 PITY 5:12

Unawh ngâchhihpa ta ei pachâpa Silvanâ baona ta nâmo lâ pasyuna châ chyuta vaw roh na ta, cha cha Khazohpa ngiachhiena hmeiseihpa a châ tahpa ei reih. Cha liana chata â ipa ta a duah muh vy.

2 ZAWHÂNA 1:10

Ahy rai Krista pachuna bie a phao leipa ta nâmo lâ â vy khiahta cha, nama o liata patlôsa leipa u la, reikah phapa chhao hlâ khuh vy.

3 ZAWHÂNA 1:5

Kho ngaitapa y, unawhzy kha na châta hmia pahno leipa châ hra ei sala, ngâchhih ngaitapa ta ama chô liata hmo vaw tao chi ta,

3 ZAWHÂNA 1:8

Chavâta cha hawhpa chyhsazy cha eima deichhy awpa a châ. Chatanachata biehmeiseihpa châta hrialâhpazy eima châ thei aw.

1 SAMUELA 28:23

Châhrasala khoh leipa ta, “Nie aw va na,” tah ta. Châhrasala chanô nata ano Sawla chakaotuhpazy ta amâ haw ngâ kawpa vâta, ama biezy cha a pyh ta. Alei tawhta thyu ta, rakhô liata a tyuh ta.