HMOTAOPAZY 16:14 - Mara Bible RV (BSI)

¹⁴ Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 16:14 ပူးပေါင်းရင်းမြစ်များ

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY HLA 5:4

Ei lôhdupaw cha opy liata a ku vaw chahraoh ta, Ei chhôhso palôh eina hria ngaita.

ISAI 50:5

Abeipa Zehôvâh ta ei nah he pahy ha ta, Chavâta chhorupa ta y leipa na ta, Hnôh a sy hra va na.

LUKA 24:45

Biehrai biezy ama pahno thei nawpa ta, ama palôh pahy ta,

ZAWHÂNA 12:20

Khazohpa a chhy awpa ta kyhchhi a hlaopazy hry liata Krikâh mo a hlao hra ei ta.

HMOTAOPAZY 10:2

Kawnilia cha Khazohpa a pachâpa chyhsa châ ta, a chhôhkha zydua chhao Khazohpa a chipa châ ei ta, chyhsa rietheipazy riapha ngaitapa ta baona a pie tyhpa châ ta, Khazohpa lâ thlah khâ a chhâ tyhpa a châ.

HMOTAOPAZY 11:21

Abeipa ku ta âmo cha a châhkhei ta, chyhsa hluhpi ta a ngiapâ ei ta, Abeipa lâ a heih ei ta.

HMOTAOPAZY 13:43

Pakhyna a pai nahta, Zuzy nata Khazohpa a pachâpa Zu phohlypa hluhpi ta Pawla nata Bânabâ cha zi ei ta, âmo cha bie a chho ei ta, Khazohpa ngiachhiena liata y thlâh ha awpa ta pasyu ei ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 16:40

Pawla nata Sila cha patâhna o tawhta pua ei ta, Lydia kei tly ei ta. Cha liata unawhzy hmô ei ta, thlah ama palôh khai nahta, sie ha ei ta.

HMOTAOPAZY 18:7

Cha tawhtapa cha pua ta, Titu Zustâ ama tahpa, Khazohpa a chhy tyhpa o liata a ngia ta. A o chhao pakhyna o kiapâh liata a ypa a châ.

HMOTAOPAZY 8:27

Phili cha thyu ta, sie ta. Ethiôpia chyhsa pakha y ta. Ano cha Ethiôpia beinô Kandaki ry liata molaipa, hrilyupa châ ta, abeinô sôh mohôhtuhpa a châ. Khazohpa a chhy awpa ta Zerusale lâ khy ta.

RAWMA 9:16

Chavâta chyhsapa khotlyna vâta châ leipa ta, hriapasana vâta châ hra vei, a ngiachhietuhpa Khazohpa vâta tlao a châ.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.