HMOTAOPAZY 15:4 - Mara Bible RV (BSI)

⁴ Zerusale ama tlô nahta, Awnanopa sahlaozy, lyuhchâpazy nata machâzy ta a vaw ly ei ta, Khazohpa ta âmo hmâpa ta hmo a taopa zydua cha chho ei ta.

HMOTAOPAZY 15:4 ပူးပေါင်းရင်းမြစ်များ

MATHAI 10:40

“Ahy rai nâmo châ lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ.

HMOTAOPAZY 11:30

Amâ chhuahpa hawhna chata tao ei ta, machâzy lâta Bânabâ nata Sawla ku liata paphao ei ta.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 15:12

Chatanachata zawpi zydua cha a chalih ha ei ta, Bânabâ nata Pawla ta âmo hmâpa ta Khazohpa ta Zenitaizy hry liata ngiana nata hmonoâhpa a taopa kyh ama reipazy cha nathlie ei ta.

HMOTAOPAZY 15:2

Pawla nata Bânabâ cha âmo nata a hryupâpa ta thata a ei ei ta. Pawla nata Bânabâ cha unawh thokhazy chhaota, cha bie kyh vâna chata Zerusale liata lyuhchâpazy nata machâzy lâta khy awpa ta rao ei ta.

HMOTAOPAZY 15:22

Chatawhcha lyuhchâpazy, machâzy nata Awnanopa zydua ta ama hry tawhta chyhsa pano a tlyh ta, Pawla nata Bânabâ hnohta Antiôkâ lâ pasiesa awpa cha pha tah ei ta. Unawhzy hry liata hyutuh viapa Bâsabâ ama tahpa Zudâh nata Sila zy a tlyh ei ta.

HMOTAOPAZY 15:3

Awnanopa ta pathlie ei ta, Zenitaizy ama pipathina kyh chho lymâpa ta, Phônisia râh nata Samâri râh chahryh khai ei ta, cha thâtih chata unawh zydua palysa ngaita ta.

HMOTAOPAZY 15:6

Cha bie cha pachâ awpa ta, lyuhchâpazy nata machâzy a hmaohpakhy ei ta.

HMOTAOPAZY 16:4

Khihpizy chahryh ei ta, Zerusale liata lyuhchâpazy nata machâzy biepathlupa kha zyh awpa ta unawhzy ama chho lymâ.

HMOTAOPAZY 18:27

Apawlôsâ cha Akai lâ sie awpa â chhuah nahta, unawhzy ta a thapatlô ei ta, ano a vaw ly awpa ta pachupazy lâ châ ropa ei ta. A tlô nahta, ngiachhiena vâta ngiapâtuhpazy cha thata bao ta.

HMOTAOPAZY 21:17

Zerusale eima tlô nahta, unawhzy ta thapha ngaitapa ta miah a vaw ly ei ta.

HMOTAOPAZY 21:19

Pawla ta âmo cha â naoh khai nah ei ta, a chakaona hmâpa ta Khazohpa ta Zenitaizy hry liata hmo a taopazy miakha miakha ta reih ta.

RAWMA 15:18

Zenitaizy Khazohpa bie pazyhsa awpa ta Krista ta kei na hmâh ta, cha châta ei biereipa nata ei hmotaopazy dei leipa ta cha, bie hropa rei a chhuah va na.

RAWMA 15:7

Chavâta Khazohpa rônah nawpa ta Krista ta a châ pyhpa hawh ei ta, nâmo chhao a pyh raihrie teh u.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

2 KAWRINI 5:19

Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

KAOLAOSÂ 4:10

Ei tâlâhpa Aristaku ta a châ naoh ei. Bânabâ tupapa Mâka chhao ta a châ naoh ei. Ano kyh liata pahnosana vaw dao ha ei chi ta, nâmo lâ â vy khiahta cha, a vaw ly muh vy.

2 ZAWHÂNA 1:10

Ahy rai Krista pachuna bie a phao leipa ta nâmo lâ â vy khiahta cha, nama o liata patlôsa leipa u la, reikah phapa chhao hlâ khuh vy.