HMOTAOPAZY 15:36 - Mara Bible RV (BSI)

³⁶ Noh khazie tlyma a khô tawhta, Pawla ta Bânabâ hnohta, “Sie heih sih la, Abeipa bie eima chhona khi to liata unawhzy kei tly laih sih la, khâpa ma ama lyu tahpa kei moh laih ei suh u,” tah ta.

HMOTAOPAZY 15:36 ပူးပေါင်းရင်းမြစ်များ

ESTHERI 2:11

Estheri cha a tlâh ma, kheihta ma a y tahpa zy pahno khopa ta, Môdekai cha noh chareih ta chanôzy yna tlyhmia liata â hlaihlâ tyh.

PUASAINA 4:18

Mawsi cha a puhpa Zetharô lâ a lie ta, a hnohta, “Izi râh liata ei unawh a ypazy ama hroh ma tahpa pahno awpa ta, ngiachhiepa ta âmo lâ na pasiesa mah y,” tah ta. Zetharô ta Mawsi hnohta, “Thlalôhpa ta sie mah y,” tah ta.

ZEREMIAH 23:2

Chavâta Abeipa, Izarei Khazohpa ta, ei phopi a vaituhpa mietaku vaituhpazy kyh liata, hetana heta a tah: “Ei mietaku zaw papai ei chi ta, nama to haw, vaih veih ei chi. Moh teh u, nama paraopazy vâta ei cha hrie aw ei,” Abeipa ta a tah.

MATHAI 25:36

thluahruapa ta y na ta, chysia na pie ei chi ta, tlâh leipa na ta, na vaih ei chi ta; patâhna o liata y na ta, eina tly ei chi,’ a tah aw ei.

MATHAI 25:43

khichhaipa châ na ta, na patlôsa leipa ei chi ta; thluahruapa ta y na ta, chysia na pie leipa ei chi ta; tlâh leipa nata patâhna o liata ei y nota, na tly veih ei chi,’ a tah aw ei.

HMOTAOPAZY 13:12

Abeipa pachuna bie thei ta, hmo tlôpa a hmô nahta, râhvaotuhpa cha noâh tah kaw ta, â ngiapâ ha ta.

HMOTAOPAZY 13:4

Bânabâ nata Sawla cha Thlahpa Pathaihpa tuapa ta sie ei ta, Selukia khih lâ zu ei ta, cha tawhna chata Kuparâ liahpahlô lâ balyh ta sie ei ta.

HMOTAOPAZY 13:51

Pawla nata Bânabâ ta âmo cha ama phei buchadoh chatho thlu ei ta, Ikônia khih lâ ama sie haw.

HMOTAOPAZY 14:1

Ikônia khih liata Zuzy pakhyna o liata ama pano ta a ngia ei ta, bie reih ei ta, Zu nata Krikâh chyhsa hluhpi ta a ngiapâ ei ta.

HMOTAOPAZY 14:21

Derbe khihpi liata thâtihpha chho ei ta, pachupa hluhpi ama tao tawhta, Lystâ, Ikônia nata Antiôkâ lâ a lie ei ta.

HMOTAOPAZY 14:6

Cha kyh cha ama pahno nahta, lyuhchâpazy cha Lykônia râh liata Lystâ nata Derbe khihpizy nata a chheipâh khitawzy lâta a râ ei ta,

HMOTAOPAZY 7:23

“Kô sypalih a tloh nahta, a unawh Izarei sawzy hmô khohna a palôh liata vaw y ta.

RAWMA 1:11

Nama pachyu thei nawpa ta Thlahpa hmopiepa cha pahneisa awpa ei ta, nâmo châ hmô awpa ei khoh ngaita.

2 KAWRINI 11:28

Chazy nata hmo hropazy hleikhô ta, Awnanopa zydua pachâna ta noh chareih eina vi.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

1 THYSALAWNIKA 3:6

Chatanachata tahmâ Timawthy cha vaw tlô ta, namâ ngiapâna nata kyhpachâna thâtih lychhihpa miah a vaw tlôkhei. Khâ miah a thei ei chi ta, cha hmô awpa eima byuh kawpa hawhta, nâmo chhao miah hmô awpa nama byuh kawna thâtihzy miah a chho.

2 TIMAWTHY 1:4

Na mothlihzy kha a thei thlâh ha na ta, alyna ta biepa ta ei y thei nawpa ta, cha hmô awpa ei khoh ngaita.