HMOTAOPAZY 15:28 - Mara Bible RV (BSI)

²⁸ He hmo peimawhpazy dei leipa ta cha, phaohri hropa cha pavi lei awpa ta, Thlahpa Pathaihpa nata keimo ta a pha eima tah:

HMOTAOPAZY 15:28 ပူးပေါင်းရင်းမြစ်များ

MATHAI 11:30

Ei raopaky cha pha ta, ei phao chhao â hua,” tah ta.

MATHAI 23:4

Phaohri ngaitapa tao ei ta, chyhsa ngiatlâh liata ama pahnieh tyh. Âmo deikua ta cha, ama ku paro ta chhao pasie khoh veih ei.

ZAWHÂNA 16:13

Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.

HMOTAOPAZY 15:19

Chavâta kei ta pha ei tahzie ta la, Khazohpa lâ a heihpa Zenitaizy he ama rie pathei lei awpa ei khoh.

HMOTAOPAZY 15:25

Chavâta reihkha tlapa ta a hmaoh pi ta, chyhsazy a tlyh sih la, eima kho ngaitapa Bânabâ nata Pawla hnohta nâmo lâ za tua awpa a phapa ta eima pahno.

HMOTAOPAZY 15:8

Palôh pahnotuhpa Khazohpa ta Zenitaizy â pyh ei tahpa cha, keimo chô liata a taopa hawhta, âmo chhao Thlahpa Pathaihpa a pie hrapa liana heta a palâsa haw.

HMOTAOPAZY 16:4

Khihpizy chahryh ei ta, Zerusale liata lyuhchâpazy nata machâzy biepathlupa kha zyh awpa ta unawhzy ama chho lymâ.

HMOTAOPAZY 5:32

Keimo he cha hmozy a pahnotuhpa châ pi ta, a bie a zyhpazy hnohta Khazohpa ta a piepa Thlahpa Pathaihpa chhao ta a pahno hra,” tahpa ta a chhy ei ta.

1 KAWRINI 14:37

Chyhsa ta hrohsopa hawhta tlyma, thlahpa chyhsa hawhta tlyma, â pachâ khiahta cha, nama hnohta bie ei ropazy he Abeipa biepiepa a châ tahpa pahno mawh sy.

1 KAWRINI 7:25

Dyhchâ leipa laihsa kôpazy kyh liata, Abeipa tawhta biepiepa hnei leipa na ta, châhrasala Abeipa ngiachhiena zawhzi ta chyhsa ngâchhihpa ei châna lâ tawhta ei pachâzie ei reih.

1 KAWRINI 7:40

Châhrasala keima pachâna liata cha, a y tyhpa hawhta y sala, a ly via aw khiah ma ei tah. Kei chhao Khazohpa Thlahpa ei hnei tahpa ei pahno.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

BIEPHUAH 2:24

Nâmo, Thiatirâ liata a ypa mohropazy, Zezebel pachuna a pyh leipa ta, Sâtâ hmo athupa ama tahpa kyh a chu leipazy deikua cha, ei cha chho ei. Nâmo la phaohri hropa khâpa hmah cha pahnieh thlu aw veih ei na.